2012我的京都紅葉 ~ 第一天

11月17日 (星期六) 雨天

又出發去日本啦!  上次從九州返嚟無耐, 發覺有些AM分就到期, 好輕描淡寫咁同大少講: " 如果可以去睇紅葉就好啦!" 點知大少話" 你咪去囉! 不過唔好預我喎!" 當時真係心又喜心又慌架, 一個人去真係未驚過, 不過就擔心大少搞唔掂兩位小姐啫。 之但係她們都大個女, 已懂照顧自己, 加上5月時已同朋友用了一個weekend去了一轉首爾, 問題都唔大吖, 今次都係去多兩日啫....於是即刻搞好機票lu! 

後來, 朋友兩夫婦想一齊去, 於是就三人行賞紅葉去了!

 

唔使錢的機票通常都係無咩好揀, 既然唔同小姐一齊就坐零晨機啦! 用盡5天的時間, 又好好彩又有得upgrade可以瞓好些, 不過呢架係舊機唔係上次去首爾的瞓係度人似晒咸魚那種。 喂! 唔使錢唔好咁貪心呀! 

花邊事一則, 我前面的日本人張椅有少少問題, 竟然現場有工程人員上機整, 仲要又靚仔又有型, 好似日劇咁!  瞓晒地好落力...嘻嘻!

揀咗牛扒餐, 飛機上都可以有唔錯的牛扒食, 真係唔瞓都要食呀!

食埋芝士, 朱古力同生果, 時間都去咗一大半, 快快瞓一陣先, 唔好嘥.....



準時到達關西國際空港, 先去買JR 1 Day Pass, 但好多人搞咗好耐, 過晒預期的火車班次, 落到月台問吓站長叔叔得知要坐直行去京都的はるか要等多四十幾分鐘, 咁都無計唔想轉車嘛....有車啦! 出發.....


 

京都到着! 在香港已經知道頭兩日天氣嘛嘛, 果然好大雨! 但賞紅葉全在戶外, 又無咩室內地方想去, 先去酒店存放好行李吧!  今次又係住Century, 貪佢在火車駅同巴士站旁好方便。

 

11點幾食brunch先!

 

仍然好大雨, 於是去地下街行吓, 周圍都佈置咗聖誕裝飾lu。 行咗成個鐘大家都覺得咁等唔係辦法, 應該唔會細雨, 於是照原定計劃去東福寺。



只坐一站就到, 出了車站指示非常清楚, 而且跟人潮行便可, 沿途有些土產店。

雖然落雨, 但賞紅葉的旅人都唔少, 一路行往東福寺。



遇上夕子小姐送貨.....

行到東福寺成對腳都濕晒lu....



從網上同酒店的紅葉情報資料, 東福寺係見頃, 不過現場我估只係80%左右.....




睇到雨水嗎? 真係幾大雨, 好狼狽又多人擠在通天橋, 完全無心機用相機, 影咗幾張之後索性只用iphone算了....



實景都係濛濛一片的, 好佩服那些set晒長鏡的攝影達人, 完全沒有被唔理想的環境影響去影靚相....




從通天橋看東福寺....

又要擠在人群, 又要小心滑倒, 又要避其他遊人的雨傘同相機, 搞到無晒心機, 是但亂影一通叫做留個記念便算....

以下就係是是旦旦之作.....

 

學人影close up....

 

除了紅葉, 雨傘都好繽紛



又紅又綠, 其實好靚架.....

好鍾意紅葉隧道.....



呢條小路無人就可以從雨水落在地上去想像當時有幾大雨啦.....

好有意景的小橋流水, 可惜影了七八張相全都手震, 只有呢張清少少同埋我cut走咗d 遮, 嘻嘻....

東福寺真係賞紅葉的好地方, 如果天氣好就更perfect啦!  本來行程係會再去伏見同宇治, 不過成團人都好眼瞓又凍又濕唔想再行, 於是唔好勉強返酒店小休吧!

 

返到京都駅已經3點多lu....大家都想眠一眠先算!

瞓醒都差唔多天黑, 大家都想去高島屋那邊行吓, 於是坐巴士去四条通, 塞吓車真係天都黑晒lu, 索性上高島屋7/f 搵食, 就呢間食鰻魚飯啦!

三個人都叫同一set, 我覺得好味過名古屋的, 因為無咁咸!

食完飯再逛逛四条通感受吓京都的繁華....

其實都無行晒成條街, 因為已經好攰大家都唔想去得太盡, 於是又坐巴士返酒店lu, 坐巴士又真係幾體驗到當地人的生活喎....

返到京都駅見聖誕樹已亮燈, 好靚呀!

最後去伊勢丹買宵夜返房享用, 大滿足啊! 我平時唔太食蟹膏的, 但那隻蟹的膏好香, 後來我見係有黑點點的松葉蟹, 唔知係唔係越前蟹呢? 令我萌起想去北陸的念頭呢!

 

 

2012暑假有老有嫩去九州 ~ 第八天 (最終回)

八月二十六日 (星期日) 天晴

最後一日....



呢間酒店只提供輕便早餐給所有住客自由取, 包包的選擇也有5-6款......




咖啡, 牛奶, 果汁都有, 可以滿足基本要求。 焗返熱d包包便拿上房, 自助Room Service.......




酒店外貌, 呢間其實幾OK, 不過方便度就唔及駅那邊了.....




又返去博多City行吓, 行大少至like的Tokyu Hands, 剛巧床上用品有特價, 臨走都有收獲。 團友咩都睇餐, 淨係行Tokyu Hands都行到食午餐....




利久仲多人過昨晚, 完全Mission Impossible, 阿爺爺要食拉麵於是去一風堂, 又係排長龍排到轉晒彎入走廊, 咁去遠d啦.....




就係近機場的北熊拉麵.....




唔....名過於實, 湯底好油膩, 麵質一般, 泡菜無咩味.....




家姐話俾碗麵嘅樣"昆"咗添!!! 唔好食架)))))) 其實我覺得個樣都唔太得喎!




食飽飽, 行吓機場(內陸同國際都行, 幾多時間!) 就返香港啦!  睇吓有咩買咗! 阿妹頂帽在Aeon Mall 500yen特價貨, 家姐都有不過無上鏡.....




同埋呢個本來以為無緣食嘅巨峰提子大福, 在內陸機場最後兩盒俾我掃晒, 返屋企即食。 真係 好好食呀))))

2012暑假有老有嫩去九州 ~ 第七天

八月二十五日 (星期六) 天晴


好快又係行程的最後一天, 不過唔趕時間, 大家都瞓個夠先起床。 

食完早餐就同呢個樂園say goodbye lu!  小姐們唔捨得呢條五彩天梯呢!

先去藥房買些紗布便照原定計劃去香椎かえん。 GPS帶了我們去西口的停車場, 這裡比較近森林家族花園同室內遊樂場, 爺爺也一同入園睇孫女們玩。

這個室內遊樂埸比想像小, 而且啱兩位小姐玩的也不多, 幼兒至初小合適點。 雖然咁, 但爛玩的兩位都可以玩成個鐘!

趁她們玩我就出外睇環境, 找有什麼啱爺爺行同去邊食午餐。  室內遊樂場一出就已經係森林家族範圍.....

同小兔打個招呼先!  今日紫外線指數相當高, 陽光好剌眼啊!

最近就係呢間Kitchen, 有意粉(麵類啱爺爺), 於是返去匯報, 不過大少話都唔太啱爺爺, 而且太晒。 雖然餐廳唔太遠但爺爺盡量唔可以出汗, 所以他們決定先走, 去附近的Aeon Mall行吓同食拉麵!  又係Aeon Mall, 呢次真係多得"他".....
 

我們女子組就去食森林家族飯lu....いただきます! 比富士山的Grinpa好食啊!

食完就去玩啦!  呢個單軌車坐在上面乾曬無得走又悶, 唔玩....

呢個一坐上去煎pat pat, 不過fing住晒感覺都好少少.....

家姐玩小型笨豬跳, 佢淨係識彈上彈落, 人哋打晒筋斗, 佢只係打到一個咋!  妹妹就倍我擔住遮睇唔敢玩, 不過第二日又後悔唔玩, 成日都係咁....



再行就見到過山車又點會放過吖!  她們玩完幾次, 成個人嘅膚色都深咗幾度, 今次我就"精"喇, 呢在橋底等佢哋, 到架車差唔多到先出去影....

見都無咩可以玩, 就早些去玩水lu。 呢個池比較細, 而且個滑梯唔太好玩喎, 所以玩一陣都走lu。  沖洗先大鑊, 我要在一個膠箱內幫她們, 希望盡快變身, 但真係好焗, 佢哋沖身都可以, 我就大汗疊細汗, 出返個箱係我濕晒!



大會指定影相位。 Grinpa有富士山做背景靚好多呀!



兩姊妹自己入去兔兔屋企玩, 我無買pass就在外面等, 而且以前睇過唔想另外再俾銀兩.....

大少同爺爺原來已在西口外等我們, 不過爺爺要午睡, 醒了call我們出園集合。  妹妹話太熱要買杯雪糕先....

好快就到今晚在福岡的Sutton Hotel, 大堂感覺都幾舒服。 我哋架車又係太高身, 入唔到停車場, 大少要兜去後街的露天位。

揀呢間酒店主要係因為"木地板", 而且又未住過呢邊。  不過房就細少少, 唔可以兩個喼開晒, 執行李麻煩些吧!  三個女子碌兩張床, "正"呀!



另一個好處就係浴室算大, 可以一齊用....

休息一會便散步去博多City, 目標係同兩位男團友去食牛舌, 不過打晒蛇餅, 爺爺唔方便等咁耐.....

於是去間無咩人等位的"人形今半", (又係佢)。 爺爺睇完餐牌無野想食, 於是我哋就只叫了三份set。  小姐好啱胃口的先附.....



剌身好新鮮....

呢度係三人份, 最平的上級牛肉すき焼き set, 初時諗住食完呢間再去第二間食....

完全唔駛自己動手, (其實我哋想自己黎), 大嬸好有步驟咁煮俾我哋食, 家姐仔一個人食3大塊牛肉, 我, 大少同妹妹各一塊都覺太膩雖然係好好味....

最後係雑炊, 一人一碗.....

其實係幾好味的, 但那塊牛的牛油頂住個胃, 雖然好似唔係食咗好多野, 但好滯食唔落, 只係食兩口就投降了!  家姐直情想嘔呀....

清新的甜品妹妹搞掂晒就走人啦!  本來諗住爺爺只係食菜怕佢唔飽, 再同佢去食其他野, 但他好攰想返酒店, 於是又慢慢行返酒店lu!  沿途在博多駅外有個香港女子(因她好大聲講: 仲咩拉住我呀!) 飲醉酒俾警察拖入車站警局, 好多人圍觀, 奇怪點解一個香港女子飲醉酒嘅?

今晚無溫泉浸lu, 執好行李準備回家吧! 最後一天就咁完結!