2013一個人遊花園 ~ 第一天

4月30日 星期二 多雲


今年農曆年同復活節假期都未能同大少, 小姐們出遊, 但出走虫係咁咬我, 他們見我痕成咁俾我自己出嚟走番團!  去邊呢? 4月尾5月初梗係去睇紫藤花同芝櫻啦! 一個人可以想點睇就點睇, 點行就點行, 想點發花癲都得, 得咗!  出發啦.......

早上和三位主人在家食過早餐, 他們返工返學, 我就去機場lu, 兩位小姐話好想唔返學跟我去機場, 難捨難離咁!  好快搞掂, 見有時間再食個早餐先, 唔想食飛機餐......

好安樂咁睇吓戲睇吓雲就到成田lu, 可能唔係假期好快就過了海關去買Suica, 比預期坐早一班車添呀!



過埋京成Skyliner買定返機場的票都仲有時間.....



入閘.....

車到.....

上車....方便快捷!



到了東京駅再轉線去有樂町, 再行幾分鐘就到了日比谷的Remm......



揀呢間係因為, 第一係木地板....那張椅擺放的位置好奇怪, 頂住個雪櫃門但張椅又好重推唔開喎!

一個人住都好舒適吖!  趕時間, 唔影住, 出發....

住呢間酒店第二個原因係近帝國劇場, 本來預計要拉埋行李先趕到, 但順利到竟然夠時間放下行李!

出發前已日日留意售票情況, 因怕趕唔到唔敢買定飛, 嚟到時只剩最貴的最大單邊一個位, 睇圖個位差到完全被打沉, 同埋氣氛又好一般, 十五十六....最後決定唔睇走去問大堂哥哥可否只入去買紀念品, 由於我無票, 他全程"倍"我買嘢!

入到去仲失望, 無咩紀念品好揀, 只買了Tee同電話繩咋! (其實宜家都唔用電話繩lu)

買完紀念品出返去都仲係有點點不捨, 不過只係一點點。 好吧! 行去皇宮看看.....

接近6點無人lu, 而且又好似唔入得, 在外圍望吓就算到此一遊.....

小女子不能入宮便沿河向東京駅散步去......

開始享受一個人慢慢行嘅樂趣.....

等過馬路又影一餐......

沿丸之內通向東京駅行又係另一種感覺.....

見到啦, 見到啦.....大到影唔晒! 不過我只係揸住部iphone同傻瓜機咋噃!

東京又申請2020奧運?! 記得上次東京係申請2012主辦權時, 我們一家在新宿駅見到鋪天蓋地的宣傳, 唔知呢次申辦會否成功呢?



一個傻婆行前又行後係咁影.....

有點港大feel.....

再入去影Tokyo Station Hotel的圓頂。 (指定動作)

車站有個大螢幕, 等了一陣子便見到成個駅的全相!

下個目標係呢度, 東京駅一番街.....



見到呢間Cafe好想影高達, 因為唔會有時間去台場, 但又唔想運桔於是就決定入去食少少嘢啦.....

 

點了食物就可以好痛快咁同高生影個夠.....

]

低炒都無問題.....

姐姐仔都無我咁好氣......

我的薯仔pizza同朱古力到了......

本來諗住食少少當俾入場費影相, 點知食完飽到咩食力都無晒!

 

去卡通人物的集中地幫各方好友同兩位小姐入貨.....



呢間唔買住, 去SkyTree 先買....

因為妹妹要買呢隻大牛奶熊呀! 又大又重, 最後先買啦! 其實鬆弛熊都興咗好耐, 呢排小朋友之間又興返....

本來有諗過食拉麵架, 但係.....

見到即炸的卡樂b薯片, 一定唔會問幾點, 仲連自己都唔知自己想點.....

梗係要整返盒啦! 吚! 又薯仔!!!! 係喎....今晚係澱粉+澱粉....好滯!!!!



再行吓幫助消化。 原來大丸都有Tokyu Hands喎?! 又幫人睇吓order有無貸先.....

一落機都行咗成晚, 又係時候返去休息lu! 酒店的MUJI CAFE, 明早就在這食早餐喔!



晚上的酒店好似靚d.....

又在lobby影..影..影.....

呢度的職員服務一般....東京cool style....



影飽上房啦喂!

無浴缸, 只有花灑....

酒店的洗頭水很好用, 第二朝我買了一set 哦!

應有的都齊....

飲杯綠茶消消滯, 整理一吓明天行程和同三位主人報告, 第一天旅程超額完成!  驚喜事情就在睇電視時發生, 訪問華原朋美, 她"重生"而且竟然唱Les Miz  I Dreamed a Dream 的日文版! 「夢やぶれて」哈....