2013一個人遊花園 ~ 第三天(下集)

接上集......

要坐28個駅去御花畑駅, 瞓陣....zzzzzzz

個幾鐘去到御花畑再步行去西武秩父.......

一到西武秩父就先見到仲見世通, 正值午飯時間, 人頭湧湧.......

呢間唔使排隊就食呢間......

揀了季節限定御膳......

同張相差不多一樣!

食完午餐先到駅前的秩父Inn放下行李, 抓緊時間去羊山公園, 先經過民居再行上山......

其實連續行了幾天對腳已經又攰又痛, 我前面呢位小姐又係一個人去賞花, 但她穿高跟鞋, 有3吋高㗎!!!!  心裡暗罵: 妳傻㗎!



在路過的小山丘可見到投宿的旅館......

行了一大段路終於見到呢個牌以為就到, 點知.......

係仲有排行, 救命呀! 一邊行一邊向自己發牢騷!

呢排鳥居幾靚喎, 上次去京都落雨去唔到伏見稻荷大社睇千鳥居, 雖然呢個細好多, 都算同千鳥居細佬見過面吖!



去到呢度又以為到啦, 但只不過係到了公園, 還未到芝櫻之丘啊!  



呢d咁似八重櫻嘅?! 5月仲有櫻花嗎?



咁靚, 影咗妳先!

繼續行......

3點半前到達, 總算在預計時間內.......

 
羊山(生), 你好肥呀!

售票處旁有土產市場, 一陣先行.......

到啦! 到啦!

對腳已經支持唔住, 坐在小木櫈上休息一陣先........



呢度有好多情侶同小家庭遊覽, 周圍都充滿笑聲.......

滿開的芝櫻........



但不是全個山丘都是滿開啊!

從不同方向欣賞這美麗的山丘.......

白色的芝櫻比較難影到每朵花都完美, 總有些有啡點......

我的倒影.......

 

近看白色心心圖形芝櫻.......

還有紫色心心芝櫻........

行到比較高點看全芝櫻之丘........

這個在山丘頂的小食檔無人幫襯啊!

芝櫻之中最愛紫色芝櫻, 好似係數量最少的顏色.......

行到另一邊出返去土產市場那邊.......

大家都在找食......

又係影咗當買了!

大少有嚟的話一定食!

眾多小食又係揀雪糕, 芝櫻味好過紫藤味, 起碼唔似擦膠, 只不過食唔出有花味啫!

唔.....妳企係度咁耐, 請妳食啦!
我請一日本人幫我同公仔影相時, 我扮餵她食雪糕, 在旁的另外一班日本學生妹忍唔住笑咗出嚟, 可能覺得我太白痴無聊吧!

離開了芝櫻之丘便向今日最後目標最後一擊! 不過呢一擊真係攞我命, 長命斜!!!

行到嗦晒氣到了這個可看整個秩父市的見晴台.......

呢個位就係poster見到的景色! 睇完靚景又要痛苦地行返落山lu!



剛到達秩父時只見仲見世通有食肆, 有些擔心今晚食咩!  好彩行返落山時見到呢間有得食Shabushabu。 時間還早5點幾, 返旅館小睡片刻先!

這間是全程最舊又最貴的一間, 舊得提唔起興趣影底! 食埋秩父草莓就揾周公子傾吓.....

 

好彩周公子叫我起身, 七點半就行返去食晚餐啦! 由於我的餐太大堆頭, 侍應幫我從二人枱轉了四人枱。 唔知係咪好少一個人叫呢個餐, 其他食客都用奇怪的眼光望我及食物! 唔理lu, 食飽先算!  呢個放題我只係要多一盆牛肉, 其他好努力才完成到9成!

沖涼時發現我對腳腫脹晒, 現晒微絲血管, 最大鑊係腳趾尾甲內出血, 唔怪得咁痛啦!  今天真係行得好"甘"呀!