2013暑假前奏三重遊 ~ 第二天

6月13日 (星期四) 天晴


本來打算今早看日出, 但實在好瞓不願早起!

其實這個小花園相信無咩人會用到, 宜家諗返應該在這影張全家福。

呢架golf車我哋只係玩咗一次就只係泊係門前, 其實自鴐的朋友可以不用它啊!

食早餐前先去浸一浸......



唔太多人,  好舒服.....

昨晚太黑影唔到室外的風呂, 今天補回.....

從室外風呂望出去就係網球場......



浸完精神奕奕去食早餐lu, 早餐去check in 時的主樓酒店......

在這個對着正門的位置就有位服務員招待我們入餐廳......

 

環境比昨晚的優雅多了.......

食物的種類亦算多......

雖然只係早餐, 但食物都很精緻.....

近入口的一角......



最好味係呢度的自家製包包.....

同埋我愛上了這志摩海藻, 加入白粥真係好好味......

食完坐在大堂的lounge影吓相, 睇吓酒店提供的旅遊資料.....

係呢度飲吓嘢傾吓計都唔錯㗎!

Hea 夠又行去另一邊睇土產, 不過當然唔會在酒店買啦!



運完桔就返房執行李上車......

不過未走住! 話說昨天只夠時間踩單車, 而無玩到滑草, 今日玩返.....



泊了車在溫泉舍再行6-7分鐘去高卡車場登記攞滑板(寫blog時才醒起, 我們的住宿plan係包玩滑草, 而且coupon在我的手袋, 但我去到接待處時竟然唔記得>>>我俾錢喎!).....

原來係唔可以行返上去的, 好跣......

在烈日當空下滑完又要行返上去都幾辛苦......



但衝落嚟個吓又真係幾爽喎.....

我同大少都試吓先! 真係幾好玩, 不過我們都喜歡滑雪多些。 太晒了, 玩了半小時我們都濕透了!



在往鳥羽的路上見到有火車......

 

安排行程其中一項活動係睇海象表演, 但我們在resort玩耐咗, 嚟到都成12點, 時間唔太夾到而且團友又興趣唔大.....

 

於是在附近行吓, 阿妹妹話想買珍珠喎......

呢個天使風鈴幾靚, 不過兩位小姐的床已太多公仔, 雜物了.....

在酒店的單張都有介紹珍珠島海女的採珍珠表演, 但大少話睇d嬸嬸潛落水無咩好睇, 於是又無去lu......

正中午, 好晒呀!



行咗去近鳥羽駅的街, 在一珍珠店買了些飾物俾兩位小姐。 原來呢度都有赤福, 不過唔係度食!  在我們shopping時,  大少先行返去水族館的停車場攞車來接我們.....



昨天食唔到伊勢海老, 今日就去呢度食.......



這個灘又真係黑蚊蚊的.....

好多水產又好多美食.....

好大隻的北寄貝.....



我們的午餐......

再加燒帶子......



同燒芝士伊勢海老.....

一入門口見到呢支雪條已經好想食......

實物真係好多士多啤梨㗎! 偏酸, 但好fresh, 好好味!

家姐仔話芒果雪糕好香芒果味(因為在日本好多時都係好假的芒果味).......

食完飯去旁邊的手信店入貨......

往伊勢神宮途中先去飲杯咖啡.......

橙汁同蜜柑汁都好酸唔好飲.......

嘩! 又搞到成4點幾喎....快d去伊勢神宮啦......

泊好車拿拿淋行過去, 見到那些茶屋已關門!

好想入去發吓花癲, 但係.....無時間喇.....



佢哋見到玩具店, candle店又東玩玩, 西睇睇.... 

我就把握時間周圍行吓........

呢度唔知係咪有表演睇嘅呢?



又有嘢玩, 每人又玩兩轉.....

見到軟雪糕都諗過又食, 但先去食目標食物先......

其實連橫町的小店都陸續關門了.......

小姐們又在這買零食......

家姐仔好想試伊勢烏冬, 不過食落我們覺得似食腸粉......

佢哋食烏冬我又周圍行......

見人家的blog呢條街似行年宵, 但我見到的是這樣.......

我們是最後一組客人, 這店都關門了......



不過好彩另一目標仍做生意......

我想試新鮮的赤福.....就咁食會甜咗少少, 但加埋伊勢茶又真係好夾喎! 好味!



五十鈴川......

果然係最紅的店舖, 人家都關門了, 但這裡好似越做越有客咁......

一齊再去揾食.......

可惜目標之一又關門了.......

大少有發現, 買了不同味的醬油.......

有機會下次再來! 返去神宮會館停車場......

塞了一陣子車, 去松本食和牛!  在合歡之鄉時已訂位, 在門口已有部長似的大叔迎接......

被領到三樓的個室......

其實我和大少好期待呢餐的, 但可能今天食得太多太雜, 嚟到竟然無胃口喎!  不過都要了一客炭火燒, 一客すき焼き, 諗住真係唔夠先再加.......

全程有位大嬸招呼, 但其實我哋想自己動手.......

我覺得多咗少少糖.......

我同大少只係食咗少少牛肉就食唔落了, 小姐們KO晒...... 

反而我仲食得落野菜........



日本的香甜蜜瓜完結了這晚餐。

今晚入住鈴鹿賽車酒店。 由於無咩街燈, 在園區外圍兜了兩個圈先揾到酒店入口。  會在這住兩晚, 這晚在主樓住有閣樓的房.......

細路梗係瞓樓上啦......

她們的小空間.......

我和大少的大少少空間........

這可愛的小杯已送給表弟們了.......

趁溫泉未收, 又快快去浸一浸先.......

無人, 包場, 正!

浸完在休閒室食吓雪糕, 飲吓牛奶, 睇吓電視......

再出花園看看燈飾, 多麼充實的一天啊!