2010櫻花初見之北九州 - 第四天 (上: 望海 - 鶴見岳)

4月3日  (星期六)   天晴

好早醒咗瞓唔番, 於是又自己去天台的風呂浸溫泉。 剛去到時本來有位女仕的, 但可能佢唔想有人一齊浸, 見我到了便離開。 哈! 哈! 咁我就可以一個人嘆同影吓相囉

小小的風呂但也很舒服, 可惜那些籬笆太高, 睇唔到個海。

其實隔離都有個男湯, 我聽唔到有人聲, 叫大少都去嘆吓, 但佢都係無興趣

早餐要落樓下食, 係日式的, 所以唔係太o岩口味。

o係望海無咩好做又咁早, 大少睇到窗外有好多海鷗, 於是安排即興活動俾兩個囡囡...望海的入口。

我哋先去便利店買些包, 再出海灘...從海灘回望旅館。

呢個遊戲就係餵海鷗, 後來仲有白鴿。

小姐們又興奮又驚, 好好玩喎!

餵完海鷗又玩吹泡泡。

玩玩吓又成10點, 要出發啦! 我們先到鶴見岳看櫻花。

好燦爛呀! 妹妹話好想帶花花返屋企呢

唔知深粉紅的係唔係梅花? 又好似唔係?

我們先過鶴見橋...

再經櫻花林...

我技術唔好, 影唔到比較壯觀的櫻花林 真係好靚, 唔捨得走添...當日有對老夫婦在櫻花林影相, 老伯伯好有心機咁幫老婆婆影相, 跟住一齊在櫻花下散步, 好溫馨啊!

有諗過坐纜車上山頂觀景台, 但時間不早了, 要去今日主打的"城島高原Park"...

唯有再三回望, 將美景深深記住, 便上路了!

下一站: 城島高原遊樂場