2012京都花見行 ~ 第八天

4月15日 (星期日) 天晴

早上的大阪, 街上唔多車唔多人, 星期日本地人未出動吧!



食完早餐, 大少在房執吓行李, 我就同兩位小姐出心斎橋再行吓。



o黎張首尾呼應, 日間古力果超人....

Cross的紅, 白, 黑格調....

再見, 唔知幾時再o黎心斎橋lu....



見有半日時間, 我哋去咗離機場45分鐘車程的Cycling Sport Centre, 最後一擊....

入到去第一個遊戲竟然係呢個水波波, 要另外收費的, 每位1000yen吖唔該!  輪住入波....

由於泵氣時入面好嘈吓, 要護耳啊!

見佢哋扒o黎扒去好似幾吃力吓, 但又好搞笑喎....



夠鐘上岸到第二位小朋友.....

哥哥示意妹妹夠鐘返去, 妹妹就好似倉鼠咁好快扒返岸, 扒得好過家姐....

妹妹話在入面隻耳仔好"盟", 一出o黎聽到野舒服晒....

去呢個park主要係見到呢架過山車, 點知係好流吓, 唔駛一分鐘就返o黎, 但排隊用咗成個鐘....

就咁睇係咪對架車有點期望呢? 但事實上係轉咗個彎回程中喇!



在等她們時, 又順便睇吓櫻花先....

跟住又用咗個多小時排呢個luge。 真係俾d日本人激死, 原本好簡單的遊戲, 俾佢哋搞到好似好危險咁, 每一批小朋友上車前講一大埋小心咩, 小心咩, 上咗車又講!  我兩位小姐唔識日文無反應, 佢哋又好擔心一定要我出去翻譯, (其實她們估到講咩) 由上車到呢張相準備出發搞咗十幾廿分鐘, 嘥晒d時間....



行落少少就有呢個變種單車場, 改裝的單車好得意, 有些係一家人一齊打橫行, 又有情侶心形車,  不過唔夠時間無玩lu....

呢個水陸兩用車係家姐堅持要玩的, 因為佢想feel吓由地上衝落水的感覺喎!  你諗多咗啦, 架車只係sir落水咋!

o黎之前預計過時間係可以踩單車的, 但排隊同埋一些無謂的講解(呢個park的工作人員做野超慢)浪費咗好多時間, 怕租單車又要講一大輪, 於是放棄了....

其實一家大細在這踩吓單車都幾好架又安全....

不過, 要走啦! 櫻花妹妹, bye bye啦.....



好彩決定早些去機場, 塞咗一陣車, 再搞賠錢手續, 比預期遲咗少少到機場。 食個豐富late lunch先, 再在餐廳外的手信店一次過買晒要買的東西...

臨上機還有點時間, 小姐們當然要好好把握啦, e...又話大個女嘅, 做咩入kids room呀?



最後召集上機喇, 返屋企lu....

2012京都花見行 ~ 第七天

4月14日   (星期六) 雨 > 天晴

今早仍然落雨, 已有晒後備行程, 如好天就去遊園地, 唔好就去Spa World 或附近的室內兒童探知館。

早餐方面, 印象中札幌的種類多一點, 不過呢間都ok啦, 應有都有嘅, 但係水果只有橙同西柚。 我哋兩天都坐黑布幕外遠處的同一張枱, 見到有個o靚妹嗎?

第一次鼓起勇氣食納豆, 重加埋日文老師教的食法, e...又唔難食喎, 幾好味添, 食咗兩杯....

第一站就係日清即食麵博物館, 由於今日係星期六, 而且我哋又遲, 所以去到無位泊車, 要兜返出附近用了一點時間。 參觀吓以前煮麵的廚房先....

見越黎越多人, 去排隊整杯麵, 點知真係太多人, 要分流上二樓另一個室玩呢個體驗....

小姐們好俾心機去畫, 畫到第二批到都未畫完



整杯麵啦...其實係睇人整! 大家都好熟個過程, 唔駛講啦....

呢個姐姐幾靚女。 妹妹考慮中....

在哥哥的協助下完成泵氣程序, 搞掂....

落返一樓原本整杯麵的地方....滿席啊!

本來想買個麵即場食, 又係太多人, 唔等位啦, 拎走....

見天氣轉晴, 於是又去返原先計劃的ひらかたPark, 遍地櫻花瓣, 好似粉紅地毯呢....



媽咪, 好多款過山車玩呀!

收到, 收到....



行快d啦, 唔好掛住影喇! 媽咪....

快速在老麥食個晏, 就飛奔去玩啦!  在等她們玩兒童過山車熱身時, 又睇吓花花先, 除了櫻花, 仲有鬱金香, 都幾靚吖!

熱咗身, 以為佢兩個會即刻去玩d勁野, 點知估佢唔到, 話想回味吓細個時的遊戲喎（依家好大個咩？)....



又係呢個至愛的旋轉鞦韆....

o黎料啦! o黎料啦! 呢架車玩咗3, 4次....

呢個game我見到都驚, 佢哋竟然夠膽玩, 仲玩咗4, 5 次....在兩點的位置就係佢哋啦.....



玩到high晒, 叫晒, 舉晒手....有無發覺係唔同位, 佢哋玩到停唔到, 落返o黎又排過....

呢個激流一點也不激, 似坐船仔...



玩呢個係因為阿媽>>我, 覺得可愛, 俾我影吓相, 幾俾面呀....



咁趕, 跑去邊???



之唔係呢個木製過山車囉! 企係條橋一次只影到一張相, 就係咁我影咗5張, 每張她們都唔同位...玩到聽到廣播要關門先離開咋, 爛玩到吖...不過, 今日雖然晏咗o黎時間唔多, 但每個遊戲都玩咗好多次, 今次連妹妹都回本啦...yeah!!!!



好掛住東京的鳥良, 昨晚check咗在梅田有分店, 於是是日晚餐就佢啦!  星期六, 預咗要等位, 不過都唔太耐, 約45分鐘就有得食....



雞亦叫咗3碟, 再加埋豆腐呀, 菜呀, 其他呀, 好飽啊! 不過大少話麻麻...由於我罰企咗一整日, 對腳腫晒又起紅根, 連原先因為方便行心斎橋而住Cross的安排都忘記, 無行到呀!!!! 激氣