2月19日 (星期五)
好不容易稍為瞓了, 但鬧鍾又同我講"早晨!", 一如以往, 最早起床又最遲有得瞓
早餐也是昨晚的餐廳。
專登走到最入面的位置, 因酒店的相片也是從這角度影的(抄襲)
食物都算多選擇, 而擺放食物的空間很足夠, 服務也不錯啊!
家姐仔攞雪糕, ,有雲呢拿, 士多啤梨同朱古力味, 一樣咁滑!
食飽飽返房收拾行李, 臨走前影了窗外景色。
又差不多準備去玩喇! Check out 後, 先放行李回車上。 這便是酒店外觀。
從酒店的通道直往遊樂場及Outlet, 很方便的。 在往Outlet的方向會見到一間手信店, 先入內賣些東西, Peter Rabbit 系列當然是小朋友的選擇啦!
本想一齊行完街食埋午餐先去玩, 但小朋友就想去玩而又覺得分頭行事一個早上也是唔錯的安排, 於是大少抵諗D, 倍小姐們去玩, 我就輕鬆地行兩小時吧!
Jazz Dream Outlet 入口。
這個場幾好行, 我指的是環境舒服, 但貨品就沒有太大驚喜, 基本上可以好冷靜咁行, 無咩"買唔買好呢?"的決定要做。
周圍都很色彩繽紛, 很歡樂的感覺。 唔好以為無人呀, 好多o係D shop入面咋! Coach好多日本女士買得好興奮o架!
那些Nike, Addidas, Timberland的鞋類幾抵買的, 但我唔想抬太重o野返香, 我嘅戰利品只有Nike運動裝, Montbell背囊同一些環保袋做手信。
相約好12:30pm在噴水池等, 一齊在foodcourt午餐。 排了7至8分鍾就有位, 先選定食物, 付款, 便有人帶你入座及送上食物, 如要追加些什麼, 也是揮手示意便有服務員幫你, 重找埋錢添, 完全唔似一般的foodcourt。 這餐試了名古屋其中兩種名物, 味噌豬扒飯同雞亦---嘩! 咸到吖?!! 點解日本人可以食咁咸嘅?
小姐們唔鐘意食這些的, 好彩聰明的媽咪~即係我買了烏冬給她們吃
大少的魚生飯, 一般啦!
午餐後, 一家四口一齊返遊樂場再玩過!
D"名物"真係吾一定好食, 我去到會醒目地避開 : )
回覆刪除[版主回覆03/05/2010 00:58:00]咁去到試少少又無妨嘅
你所講同望到相都覺都FEEL到好咸呀!
回覆刪除咁兩樣名物,邊樣好少少呀?
[版主回覆03/13/2010 22:23:00]豬扒飯, 因為可以撥開D汁餸白飯。 雞亦好似咸乾柴咁, 食完"拿"喉嘅....東京的"鳥良"雞亦好味好多!
其實名古屋唔係好凍,食咁咸唔係幾好.....
回覆刪除[版主回覆03/13/2010 22:25:00]大少話日本人的高血壓、腎病、糖尿病都好嚴重, 唔係太甜就太咸
酒店是否行到過去outlet, 唔洗揸車?
回覆刪除[版主回覆01/15/2012 19:04:20]唔駛呀, 有連絡道行過去好方便的。
如果同一個TRIP已去了其他OUTLET, 仲需唔需要留時間行長島OUTLET, 值得行嗎?
回覆刪除[版主回覆07/03/2012 20:27:23]唔好意思無巡blog好耐 印象中唔係好特別, 如果其他的outlet的shop都係個d就唔駛專登再行吧! 呢個outlet最深印象係Coach好多人!