2月21日 (星期日)
食個早餐充夠電
今天要排了一陣子隊先有位。
然後去日產攞車
呢架就係倍我哋上高山的四驅車
本來今天的行程係早上去土岐Outlet, 但已去了長島又唔想三位團友要倍我, 再加上想行吓附近, 於是我們先去電視塔同Oasis21。
上到去我有D驚o架, 我畏高唔敢行晒一個圈, 影完相就搭番呢部玻璃電梯走啦!
既然一場o黎到, 就幫襯吓
小姐們見到Oasis21都有壽司就諗都唔諗話要食, 但好多人排隊, 於是去了一蘭食拉麵。 到對面露天停車場取回戰車。
在榮的一蘭拉麵。
我們去到的時候也不多人, 等了一會便可入座, 但就要分開坐, 我同家姐仔一組。
大少同妹妹一組, 不過兩姐妹成日走o黎走去對方的一組八卦。
我碗麵有少少辣, 幾好味, 隻糖心旦都好食。
人哋食完就即走, 好快側邊的人已換了兩次, 我哋的小姐就慢慢食, 真係唔係幾好意思
走的時候排隊的人已打晒蛇餅啦! 大少先在劇院門外放下我們三位女團友, 他便回酒店取行李。 原本劇院的工作人員唔俾我哋入去o架, 講咗一大輪有位會少少英文的紀念品店小姐知我的來意先入到咋! 日本的設計真係好靚, 我買得好開心呀!
好滿足咁出發去高山喇! 小姐們呢兩日投訴見唔到雪, 終於行咗一段時間漸漸有雪景, 大家都醒晒。 兩位小姐重問可唔可以停車俾佢哋o係雪地玩吓先喎! No la!
見到呢個路牌就知快要到高山了。
但大少跟咗個導航, 我又唔記得之前話俾大少知好多GPS都未up-dated, 就說時遲那時快, 大少無出高山出口....於是我們迫住去咗白川鄉的方向, 諗住搵個位掉頭, 點知一入就係長到無倫的隧道, 相信這條就是新開的高山>白川鄉的路, 可惜我哋係去高山....
本來諗住可以有時間先去飛驒之里一遊, 但去到高山都差唔多5點, 唯有疊堆心水去酒店吧!
發現好多人都行錯, 我會提高驚覺!
回覆刪除[版主回覆03/05/2010 01:05:00]係囉, 我做咗功課都行錯, 真係唔抵! 不過我自己又係路盲無計。 你係咪從名古屋去高山呀, 會經過十幾二十條隧道, 司機會好眼瞓, 小心!
我會由機場直殺去高山. 咁係咪係飛驒清見出, 跟住跟返GPS行就得呢?
回覆刪除[版主回覆03/06/2010 13:30:00]上面有兩張飛驒清見IC相, 第一張: 當你見到"高山出口"請轉定左線行去"出口", 我們就係無出, 因當時我剛剛瞓醒見到個牌掛住影底, 但原來GPS唔係帶大少行出口, 指咗佢直行大少又唔知, 我又唔敢大叫叫他轉線, 好危險! 於是直去了收費站往白川鄉..)我估你行到"出口"方向應該o岩, 你再看看路牌和GPS是否太大偏差吧! 但我諗跟路牌會up-date D。
架四驅車好型呀! 你在Toyota租呢架車貴唔貴? 多少錢? 架車食唔食油? 連我老公都話係雪地揸呢架車好穩陣喎.
回覆刪除[版主回覆03/10/2010 23:07:00]呢架係日產o黎o架, 在Tocoo租的, 25725yen 2日, 老公話唔食油算細食添喎, 我哋o係好大風的路上都好穩定, 車身好重吓, 感覺很安全, 不過無用過4驅, 白川鄉那天好溫暖, 如果早個多星期去就見到有大風雪(從live camera)可能o岩用D 但租車時梗係以防萬一啦!
真係好多BLOG友話GPS有問題呀,即係跟路牌好D?
回覆刪除[版主回覆03/13/2010 22:40:00]最o幣係GPS顯示太慢又唔up-date, 我見路牌都好清楚, 應該可靠的。 一見飛驒清見IC牌一出要慢少少車, 俾時間司機/自己諗吓...諗唔切跟路牌
今日上Google Map去到高山, 飛驒清見IC見到D路牌, 去睇吓啦!
回覆刪除您好呀, 我都係剛剛自駕去完高山, 想分享一下, 我發現好多人都會出錯出口ka, 我地果日仲要係夜ma ma, 真係超驚呀, 見到行錯時已經太遲, 而條路直行就寫住白川鄉, 當時大叫..死la, 唔通條路去白川鄉, 心諗, 一來一回side時間又side錢, 條隧道又好長, 想盡快有出口想離開highway都唔得, 只可以繼續直去, 行左大約5分鐘, 見到有出口, 死人都出左去先, 原來出口係可以去高山市, 希望大家以後唔洗咁驚, 總之行錯左, 第一個出口離開就都可以去高山市ka ~
回覆刪除[版主回覆03/19/2010 18:18:00]係咩, 我見到個路牌去五箇山喎 不過可能我太亂留意唔到吧。 咁會去高山的朋友唔駛驚行錯啦!