留壽都230休息站真係大人細路都唔捨得離開, 所以比原定時間遲咗少少到Tower check in。 去到接待處先知我們已被調到North/South Wing Junior Suite, 先醒起出發前email問過可否轉住宿plan, 因他們說Tower主要係俾打golf的旅客, 而我主要去遊園地, 所以住North/South Wing好些。 其實前年住過North/ South Wing比較嘈, 所以今次想住Tower, 但又好唔方便...沒有工人姐姐的生活太忙亂之下, 連email都無再睇已被調遷都唔知。 於是就再去North/ South Wing check in, 呢個時候又先知要俾多好多錢而又唔包食, 緊係唔得啦! 連個接待姐姐都覺有問題, 於是上報經理, 最後她說是經理的特別安排收番原先價錢同包番兩餐, 只是一次的....(下刪一大段), 就係咁搞咗一輪, 好遲先去水上樂園啦!
趁未亂, 影吓間房先....一張雙人床...
有大窗戶...
兩位小姐的房...妹妹忙於畫公仔....
從梳化望的角度....
家姐仔又在忙砌 T 型....
浴室....
North/ South Wing的外觀....
水上樂園的入口....
Pool收4:00pm, 我們3:30pm先到, 唔理半小時都玩....
先在流水池游吓...
再去sir滑梯....
最後同大少水戰, 妹妹在池中, 大少在岸上用大水槍射佢....
半小時好快就過咗...都唔明點解咁早收 
睇吓仲幾好陽光o架....
咁早, 緊係快d返房稍為清洗換番衫去遊園地再玩啦....不過條路好長....
家姐仔話未玩過呢個遊戲要玩吓, 好似洗衣機咁....
之後倍妹妹玩....
氹咗妹妹好耐玩呢個, 都幾激吓, 轉完前又轉後....初時見妹妹驚驚哋, 後來都玩得好開心....
上山睇吓先....上到去原來山上遊戲已停止了...
從高望遊園地....
行返落山lu.....
估吓做緊咩 就係我唔小心跌咗妹妹張2-day pass落條罅, 真係抽獎又唔見中喎 
於是揾工作人員幫忙, 他們本來想拎起個渠蓋但唔成功, 最後大少叫他們攞d膠紙同樹枝黐返上o黎, 得咗! 
過程搞笑又緊張....哈....
無嗱嗱又搞一輪, 返到酒店便去食自助晚餐。 留壽都Resort的自助餐算不錯, 多款食物又幾好味喎, 蟹都幾新鮮....
食飽又要行返出去睇煙花, 先有短片....
再放煙花, 呢張係最後最燦爛的了, 過程無咩睇頭...不過全Resort的人坐晒o係度睇幾有氣氛....
是晚節目完畢, 人群亦散去各回酒店休息了....
路旁的燈飾亮起, 遊人邊行邊欣賞....
回房浸個靚浴又完結精彩的一天....
地獄谷 Map Code: 603 287 327*18
留壽都230 Map Code: 38556 440
留壽都Resort Tel: 0136-46-3111
沒有留言:
張貼留言