2008暑假玩盡北海道/東京之旅 - 台場 > Kidzania (第十五天)

8月6日 (星期三)

想同小朋友坐吓日本JR, 大件事啦, 成10點新宿駅仍然超多人, 好辛苦先上到車, 迫到兩位小姐呱呱叫。  到了新橋再轉海鷗號去台場MEGAＷＥＢ的 Toyota館。 先玩了E-com Ride, D車仔好可愛但有點無聊, 小朋友話唔知坐係到做咩, 好悶!

我和家姐仔一組, 你睇我放晒手, 無o野玩嘅

本來約了玩Ride One, 但我們去到竟然話我們遲到取消booking了, 但我們是準時到喎, 他們說那時間是開車時間唔係到達時間, 激氣  再參觀了其他部份便過了對面的龍貓專門店睇可愛精品。 好得意的貓巴士。

旁邊又有遊戲玩, 又消磨了一段時間。

我們一早在香港訂了Kidzania4-9pm時段, 所以都沒有行台場的其他地方而去了豐洲Lalaport食壽司做午餐。 真係唔好講笑, 我哋兩點前已到Kidzania, 嘩!條龍已經去到好遠, 個個大小朋友都有備而來, 帶晒遊戲機o黎排隊。  我哋依工作人員指示先去門口換入場卷, 然後去食午餐, 到3點多就加入條咁有陣容的隊伍  先到銀行換錢。

第一份工是比較小人排的油站。  排到咁上下先有制服換, 所有事要自己做。

衛生問題, 要戴帽的制服要先戴浴帽。 互相取笑中

好開工啦! 好有士氣, 要嗌口號o架。

有車到, 要學抹車。

學用油槍。

好似係司機俾個唔知咩她們, 個姐姐解釋俾她們知。

又嗌! 叫跟住的車向前。

第二份工, 係好多人都排的消防員。  大家一齊先做熱身運動。

警鐘響起, 趕快換衫啦!  哥哥可能話: 妹妹你舞咗件衫好耐喎, 你識唔識o架?

好, 到了現場, 列隊一人一喉去搣火。

兩姊妹, 好認真o架。 那強光是Kidzania攝影師幫小朋友影相。

任務完成又要聽訓示, 之後再上返消防車回消防局喇。

家姐仔負責講英文叫人小心: Fire engine is coming, be careful!.....

玩咗兩份工都成7點幾, 吃點小食便再排第三份工, 可口可樂廠學入汽水。

好留心聽講解, 雖然唔知講咩。

我同大少發覺她們走時取回的那支汽水不是自己整個支, 見到工作人員換了的。 妹妹自己入可樂好得戚  因她們唔飲可樂, 話送給我們呢!

玩完已8點半, 所有工作都停止排隊了, 我們便買些紀念品早點離開。 在Kidzania對面有food court的食店, 大家都又攰又餓, 快吃了些東西便回新宿了。