8月7日 (星期四)
今日又係要去Toyota取車, 前日已經投訴了架車臭之餘, 在高速公路行快些會有怪聲添, 好似有點危險要求他們換車。 點知他們竟然又係俾番同一架車我哋又話應該無問題, 仲話呢個店同級只有一部車, 我咪就係早兩日同你講要換, 你又唔安排從第二間運過o黎, 真係好少見日本有這樣的服務
又係唔想再嘈, 出發啦! 全日森林家族樂園/ Grinpa。 到達時又係近午餐, 我們先去餐廳食飯, 好多人serve得好慢, 我講係排隊買票及取食物。 建議去呢個樂園玩最好自備食物, 因為又貴又難食!
太陽伯伯又好熱情, 我哋就先去室內的玩具屋同遊樂場玩, 小姐們開心到唔肯走呀! 妹妹仲第一次俾家姐"昆"咗去玩兒童跳樓機, 升上去仲笑得好開心, 一降就嚇到喊要落番o黎。
約四點要把握時間去埋咸旦超人樂園玩機動遊戲啦, 基本上係家姐仔玩, 妹妹驚驚! 呀, 醒起一樣o野, 如各位帶小朋友去呢個樂園, 小朋友買pass, 而大人可以只買入場票, 我哋就係蠢咗, 不過如小朋友太小, 他們一定要大人部先可以玩, 咁其中一人買pass便可。 好多樂園都係咁, 當時唔記得買了4個pass添
家姐仔最愛過山車! 不過呢架好慢, 無料到, 家姐話好悶好似遊車河咁, 只玩了一次就唔玩喇! 我們3個人倍大小姐玩完一樣又一樣, 媽媽想趁關門前行吓森林家族呀。
都好靚, 幾童話feel o架, 本來對D白兔家族興趣不大, 但去完之後竟然喜歡了。在紀念品店都買了些東西, 唔知係咪平過香港呢?
入咗其中一間屋又玩一餐!
富士山下的Grinpa。 笑話一側 - 話說呢個樂園其中一個買點係見到富士山, 但我們往樂園一路都唔見富士山, 原來第一有雲, 二來沒有雪的富士山, 我哋差點唔認得呀!
臨關門要走喇, 小兔們bye bye啦! 小姐們又唔肯, 我便答應她們如果乖冬天再來! 其實係我自己想去, 因看見他們的海報, 冬天都好靚, 富士山下玩雪兜, "正"!
回到新宿還車後, 大家又係攰到唔想周圍搵食, 在酒店附近吃了拉麵便回酒店休息了, 開開心心的一天
Grinpa MC: 50 724 733 *85
小朋友開心了一整天 !!
回覆刪除好一對 "廿四孝父母" !!
日森林家族樂園如果大人去好唔好玩架 ?
回覆刪除我地喜歡森林家族
[版主回覆11/09/2009 12:05:00]如果你本身都已經喜歡森林家族就一定會好開心同興奮, 因我本來唔好呢家人, 去到都愛上咗, 重要冬天再番兜添! 襯住富士山, 好靚! 特別係冬天。 我相信豆豆一定鍾意。 你們買入場票已可以啦, 個超人樂園好BB架, 最"激"的過山車我個大女都坐到無反應, 坐完話: 無啦? 完咗啦?
Hi, Did you guys drive there? Do you know how long it will take driving from Shinjuku to Grinpa? Thanks! :)
回覆刪除[版主回覆08/08/2010 19:16:00]係呀, 我哋係自駕的。 由新宿去約兩小時內, 不過如遇上塞車就"幣"啦!