2008暑假玩盡北海道/東京之旅 - 函館 > 留壽都 (第十二天)

8月3日 (星期日)

去函館山的計劃因天氣仍然好差而取消了, 食完住家早餐便到函館朝市行吓。 朝市就在酒店後, 好近。 相信係落雨的關係, 很多路邊的檔口都無開, 沒有旅遊書介紹的熱鬧, 實有點失望  好彩仲有室內的釣魷魚, 大小姐釣到喇, 妹妹話驚唔肯試。

在室內市場行了一圈, 好多地道手信。  回酒店時才見到有即食海膽, 唔...小樽海膽靚D。

在酒店大堂等大少整吓架車的坐位setting (因下個目的地係留壽都, 好遠吓, 小姐們可能要小睡, 所以大少整咗張床俾她們休息)。

先再去朝市附近買了些便當, 中途可在車上食午餐。 去到留壽都又係大雨, 好掃興, 本來諗住去遊樂場玩添! 唯有去室內泳池遊水啦, 點知個個都係咁諗, 而個室內泳池又細,  仲嘈過洞爺那個, 游一陣都要走lu。  個池雖然細, 但都有人做浪的。 無浪時人比較少, 一有浪唔知D人邊到o黎, 滿晒!

之後行吓酒店商店, 玩旋轉木馬咁。 (以下兩張相係第二日臨走前影的, 睇吓有陽光 架!)

有Pokamon Centre, 係遊戲機中心。

見無咩好做早些去食晚餐。 嘩! 好彩真係"早些"咋, 入遲少少已經要在門口排隊等位, 因原來都好多旅行團o架!  排隊條龍成條街咁長, 見好多人不滿同工作人員理論呀! 個Resort其實好大, 天氣好真係幾好的地方 (最好少點旅行團添), 好o岩小朋友!

函館朝市 MC: 86 072 376

留壽都Resort Tel: 0136 46 3111