2008暑假玩盡北海道/東京之旅 - 小樽 > 二世古 (第九天)

7月31日 (星期四)

今早Winnie EE自己返回香港, 小姐們好唔捨得, 香港見啦!  我們租Sonia已經諗住唔o係酒店食早餐只訂了素泊, 出去食咗個大少話超唔抵嘅Le Tao Cake Set, 但係去旅行我又覺得無話好唔抵嘅 我哋叫咗4個sets, 因我和大少習慣飲2杯咖啡, 再加杯朱古力小朋友飲, 而家姐好清醇只會飲水。

這天都好熱吓, 坐o係外面只係為咗個景同FEEL, 佢哋3位食吓又入室內涼吓, 多謝佢哋都肯倍我做silly tourist 晒太陽歎熱咖啡!    望過對面的街道。

"歎" 完個高貴早餐, 我們便上天狗山了。 原本是昨天和Winnie一齊去的, 但大家都太hea無時間上, 於是體驗天狗山就只有我們一家四口喇! 從山上望Wing Bay方向。

另一邊, 運河方向。

上天狗山有3個目的, 看小樽全景, 同花粟鼠玩, 坐山上滑兜。 有好多花粟鼠o架, 不過成日"lei"埋, 要好有耐性先等到佢哋出o黎, 最搞笑係佢哋一出o黎, 所有小朋友都好緊張, E嘩鬼叫又嚇番佢哋走

另一遊戲, 玩滑兜, 先在山下坐o係個兜, 條綱索會拉你上山, 跟住就滑落去, 速度自己控制, 好好玩, 小姐們各玩咗2次, 大少玩咗3次。

返落山在小樽堺町通買手信同食拉麵, 然後出發去二世古。 我們路經小樽交通博物館又入去玩咗一陣。 呢樹有唔同年代的火車睇, 團友中大少比較有興趣。 似唔似Thomas的火車depot。

可以坐的舊火車, 可惜開了但又唔想等下一班, 只好望吓就算, 女孩子坐唔到真係無咩所謂。

正式離開小樽向二世古出發。 經仁木町想摘車厘子, 但舊年玩過小姐們唔想玩, 在路邊小檔買了一盒即食當摘咗。 又越過高山又越過谷....原來我們訂的溫泉酒店在山上, 又係九曲十三彎呀, 仲要天氣開始變壞落大雨又大霧, 沿山邊條路伸手不見五指, 又無欄杆同上次Tomamu有得揮, 我講驚險度。 途中俾我哋見到濕晒身的狐狸

二世古 - 紅葉音

晚餐在外面的私人食事處, 好豐富, 最後係食唔晒! 開頭都有影吓相, 但之後實在太忙無影啦!

呢間酒店係朋友介紹的, 他和女友去二世古滑雪住過, 大讚一流。 無錯, 呢樹真係好好, 好日本的風格, 服務一流 - 但其實不適合有小朋友的, 因為這裡很靜, 相信係日本人o黎歎的避世溫泉酒店, 而我們的小姐成日玩真係嘈到人o架, 好有壓力。  食飽就返房浸溫泉啦! 好"原始", 有好多泥, 小姐們初時唔肯落水添。

在我們離開酒店時路經二世古昆有溫泉鄉, 有呢間好似唔錯。

天狗山 MC: 164 657 044

小樽交通博物館 Tel: 0134 33 2523

仁木町櫻桃山 Tel: 0135 32 2285

紅葉音 Tel: 0136 59 2881