由Outlet行返遊樂場都成十多分鐘, 沿途會看見不同的Peter Rabbit設施。
郵箱, 不過唔知係咪用得
遊園地入口又係佢!
園內正門都係佢
小姐們因為已玩了一轉, 好熟場咁帶我去玩。 呢個遊玩設施, 日本真係好多大公園都興, 咁好玩的東西, 點解香港無嘅?
我跳..跳..跳, 我轆..轆..轆...玩到除晒所有外套。
再去玩埋Kids Town的其他遊戲。 經典旋轉木馬...
小飛象...
類似救火的遊戲...
汽球船...呢個妹妹唔敢玩...
大少倍妹妹玩車車...還有很多呢!
基本上兒童的部份都玩晒, 又係差唔多時間要去名古屋市喇!
連續兩晚會住o係名古屋Hilton。
因為大家都很攰, 我們決定坐的士去"榮"的松坂屋"吃鰻魚飯。 原來比想像中遠的, 差不多由旺角去尖沙咀..
松坂屋南館10樓, 那些櫈相信是人多等位時用吧。
蓬萊軒門口
鰻魚飯, 好香好味但都係偏咸。 小姐們吃鰻魚飯走鰻魚, 所以唔夠飯, 要追加一份
大少的魚生套餐
還有炸雞
當晚都有幾個親子遊香港家庭o係到食晚餐, 似乎真係一個必到地方喎。
坐的士返酒店, 在Lawson買些小吃回房休息啦! 呢晚我終於頂唔住, 搞掂晒小姐們的梳洗, 未等她們瞓的已經"暈"咗! Hilton張床幾舒服, 好瞓!
個遊樂場好似幾好玩呀, 其實名古屋有冇得shopping 架?
回覆刪除[版主回覆03/02/2010 11:59:00]係呀, 都好大好多o野玩, 如果玩埋大人o個邊重抵呀, 因為我哋的Pass係酒店包的(除了妹妹)。 如果要shopping, 相信日本市區都無可能無得買, 只怕你無時間啫 我本來想行"榮"一帶的公司同名古屋駅附近的高島屋呀, 名跌百貨呀....咁, 但都只係有機會行咗"榮"的Skyle咋 , 竟然住係高島屋上面都無時間行吓Tokyo Hands....
因之前聽人講名古屋冇嘢買, 但聽你咁講都ok bo, 而且個resort 都唔差, 同小朋友去玩就最啱......
回覆刪除[版主回覆03/02/2010 22:24:00]如果你夏天去埋水上樂園會重好玩呀, 還有溫泉, 經過門口真係好想入去, 可惜唔夠時間咋! 如享用所有設施, 咁就要預住兩晚啦 (溫泉包兩天免費)!
請問KIDS TOWN D機動遊戲係咪小朋友自己玩OK+啦!
回覆刪除[版主回覆03/05/2010 01:01:00]有D唔係, 不過我哋用酒店送的Passport, 所以妹妹驚時大少可以倍她玩。 家姐仔都8歲了, 所以自己玩都無人阻止。
請問三樣名物,係唔係鰻魚飯較ok呀?
回覆刪除你有冇試三種食法呀,我地未食過,想參考下
[版主回覆03/13/2010 22:29:00]係呀, 好香的! 有試晒三種方法, 最好味係加熱茶(湯), 因為可以撈淡咗