我和大少都係Les Miz 的fans, 十多年前在香港一看再看, 後來買了10th Anniversary Concert的DVD, 當年已經說如果再有紀念音樂會, 一定會去看!! 這個諾言就由大少收到電郵開始, 突然實現...當知道這個紀念活動時心情很亂, 小姐們要返學不能亦不適合帶她們同往, 短時間內要安排好很多東西...真係好快就出發, 臨上機重擔心好多諗多咗嘅野.....
10月1日 (星期五)
航班係零晨機, 所以9月30日晚上便要去機場。 在家吃過晚餐後便和小姐們say goodbye, 第一次分開咁多日真係好唔想去機場啊!
登機閘在1號, 今次沒小姐們同行便順便入1號登機閘旁的Travelers' Lounge坐吓。 呢個畫面, 勾起好多回憶呢!
我的宵夜, 都幾好味喎...
當晚好多人, 近門口的座位好滿又嘈, 要行入些先靜少少...
機場晚上依然繁忙...
好了要上機啦....
國泰去倫敦的航班時間尚好, 12多小時的航程瞓吓, 睇吓又食吓, 都唔算太難過就到了, 不過一定唔係同小姐們一齊先得...
落機先去買Oyster Card, 由於我哋未必經常坐tube, 所以唔買day pass啦, 特別多謝KaHeiBaBa臨出發前的詳細解釋 
英國的地鐵站真係幾舊, 不過都見陸續有工程同一些新站頭同香港的很相似...
坐Piccadilly Line去 Tottanham Court Road....
呢間就係我們住3晚的酒店, 大少上次o黎倫敦開會都係住呢間, 因地點十分方便...而又好好彩地俾我哋提早check in, 9點幾咋!
酒店其實比較舊, 但都算夠用...
經常要去英國睇個女的朋友都係住呢間, 所以他已提醒帶定酒店沒有的東西去, 如拖鞋...
就商務酒店而言, 都算可以的了...
酒店對面就有超市, Boots, 同埋"無印"...真係有親切感呀!
先出Oxford Street行吓, 就係咁買咗幾袋衫俾小姐們...再同大少午餐, 在倫敦的第一餐就係Fish n Chips, 在Oxford Street的橫街...
唔太得, 雖然即叫即炸但無魚味。 記得N年前在Cambridge一個mall食過好好食的, 薯條就食咗唔夠一半已經飽到上心口...
先回房放下戰利品小休一會, 又出發去Covent Garden....
討厭的倫敦天氣, 令本來想在露天茶座飲杯咖啡都未能如願...
後來大少提議去Royal Opera House睇吓有無tour/ event...都係無....
於是又行去唐人街睇吓晚餐食咩...
左揀右揀都係去咗食扒, 我那個餐係"Grill Tiger Prawn", 原來好細隻的, 但都幾新鮮好味, 不過那些薯條就怕怕了...
好似灣仔的波士頓扒房....
旅程要睇的第一個演出, Love Never Dies, 可以話係 Phantom of the Opera的 part 2, 故事同情節十分之老套, Christine無嗱嗱同Phantom生咗個仔, 最後又死埋, 有些女士睇到喊晒, 但我覺得劇情好多地方可以駁...不過, 舞台效果同演員(包括Christine個仔)都唱得好好, 女主角係Disney唱小魚仙Part of Your World的Sierra Boggess, 她唱Love Never Dies時全場拍爛手掌, 而男主角Ramin Karimloo就係兩日後在Les Miz 25th Anniversary Concert時做學生領袖Enjolras, 他的聲線十分雄厚但令人舒服, 感情又掌握得好準....
呢套戲故事比較弱, 如果演員水準唔得, 吸引力一定無咁強....Christine係咪好靚呢!
睇完行返酒店已經攰到暈, 因為計番香港時間已經係第二朝5,6點啦, 梳洗後真係大昏迷, 唔駛兩秒....
Hehe, 我十幾歲時有個親友送了一隻"Phantom of the Opera" CD比我, 不過我就唔係fans lor.....我想你哋一定很喜歡, 如果唔係唔會留低小朋友
回覆刪除[版主回覆10/11/2010 22:44:00]我哋唔係Phantom fans, 只不過一場去到又有新戲上咁就順道一看吧! Phantom有點sell華麗, 但Les Miz就由頭到尾都咁touching, 每首歌都好perfect, 真係睇極都唔厭
好羨慕啊! 你能暫時放低2個女, 夫婦2人能教輕鬆地出埠遊真好. 你2個女有無扭計想跟住去呀?
回覆刪除[版主回覆10/19/2010 20:19:00]好彩咁o岩見有個長週末同學校又無咩特別事要跟進, 先可以成行咋! 不過其實都好擔心, 因為未試過同兩個女分開幾日, 去到倫敦已想快些完成要做的事返屋企啦! 有諗過帶埋佢兩位去, 但她們唔想而且又實在好無謂, 所以大膽一試! 臨出門時有點不捨得囉!
我鍾意Les Miz多過POTO，十周年演唱會DVD經常看。
回覆刪除間Hotel要幾錢晚呀？
[版主回覆12/14/2010 15:01:00]咁你就要買埋25th Anniversary Concert隻碟喇, 好值得收藏呀! 間酒店好似$14xx一晚包早餐, 我連收據都掉咗lu 去倫敦睇表演住呢間真係好方便, 好多劇院都可以行去。
Travelers' Lounge呢張相 , 真係會勾起好多唔同回憶...所以真係好多嘢要珍惜....
回覆刪除你放低小朋友幾日 , 一定好掛心
[版主回覆04/07/2011 00:32:00]呢張相真係勾起好多回憶架...我細個時有段時間同姑姐一家住在九龍城, 只記得表姐同我坐的士係講去"嘉林邊道", 當時真係唔知"邊度"...有時表姐會帶我去附近公園玩, 一有大飛機飛過我就好驚, 因為真係好大好近, 係頭頂咋, 可以同機入面的人say hi咁...另外, 那時表姐好鍾意日本歌星, 特別係西城秀樹, 我就在"教育"下喜歡松田聖子, 中森明菜呀咁...依家諗返都幾得意