10月2日 (星期六)
今日會連睇兩場不同版本的Les Miz, 因為我哋係買了Ticket Package, 包括指定的兩場音樂劇和25週年紀念音樂會。 第一場在Queen's Theatre 10:30am的場次, 早餐後便散步去劇院。 雖然還有成個鐘, 但已見有不少朝聖者在門外等候。 大少先去取票, 見有時間使周圍行吓。
劇院對面就係China Town。 同大少商量會不會晚上再睇多一個演出, 不過都係到時即興吧, 反正買票都好方便。
向Piccadilly 方向行沿途還有很多劇院, 雖然重係早上已有不少人在各劇院門外等候...
行內街返回Queen's Theatre見到呢套, 上次在香港演出時沒有時間睇, 或者今晚一看吧!
好了! 期待的Les Miz之旅正式開始, 心情很興奮!!! 雖然已睇過好多次, 但今次特別緊張同帶點激動....! Queen's Theatre的版本係傳統25年前一路做到今日, 舞台係用轉台去換景的, 我們坐Dress Circle在中層, 可以看到全舞台而且劇院不大, 可以睇得好清楚。
中場休息時去Stalls層睇吓。 演員的演出好精彩, 好帶到觀眾投入個劇, 到感人的劇情或歌曲時, 眼淚在眼眶內偷偷地流下, 謝幕時全場站立拍掌, 實在係好感動....
趕快買些紀念品便要去下一站看另一場演出....
一大班人一齊趕去坐tube往Barbican Centre看2:30pm的25週年版, 好有趣-不同國籍的人一同做同一件事....今日係最後一場。
演員表....
去到都兩點多, 先在大堂cafe買份三文治醫肚先...
Cameron Mackintosh在劇院入口接受緊訪問我剛在他後面行過, 他突然向後退了一步同我互踏了一下, 大家都驚叫了一聲又猛咁say sorry, 好搞笑! 夠鐘入場啦....
今次又係在Dress Circle重係第一行添呀, 好清楚! 當前奏音樂一起, 大家都歡呼起來, 比起Queen's Theatre更有氣勢。 新的版本沒有了轉台而係傳統的換景方法和大量的projection配合好立體, 又加了一些小演員...當Jean Valjean被神父放走時唱"What I have done"..who touch my soul and teach me love...he tells me that I have a soul, how does he know....我的眼淚又流下...到下半場聽到男主角Marius唱我最愛的"Empty Chairs Empty Tables", 更是激動...oh my friends my friends forgive me, that I live and you are gone, there's a grief that can't be spoken, there's a pain goes on and on......oh my friends my friends don't ask me, what your sacrifice was for, empty chairs at empty tables, now my friends will sing no more....已出動的紙巾更濕透...
整個演出氣氛好正, 唱"Master of the House"時全場一齊打拍子, 自己好似有份咁...好快又完一場, 我本來係好守規矩的觀眾, 但見人人都影下珍貴的謝幕一刻, 我都影埋一份...Cameron Mackintosh出o黎謝幕時再提醒明晚的紀念音樂會的重要性...好收到, 明晚見!
買了紀念品便滿足地離開Barbican Centre....(Les Miz 的發源地)
聚精會神地連看兩場至愛的音樂劇, 原來都好攰, 所以決定唔再睇多套啦, 小眠片刻就去揾食, 返回Queen's Theatre對面的好日子食雲南菜 (日間影的)。 本來去KaHeiBaBa介紹的中菜餐廳, 但揾唔到唔知係咪"執"咗, 見呢間好似OK的便一試...
還有一個唔知咩炒露筍, 都幾好食但偏辣。 白色有杞子的唔係湯係酒煮小丸子, 好香米酒味....
雨總係落唔停, 食飽便雨中快步回酒店瞓啦.....多滿足的一天!
「The 39 Steps」日本版我今年2及3月分別喺東京及大阪看了五場，因為演員做得出色，特別係我的至愛石丸幹二，覺得好好睇。
回覆刪除[版主回覆12/14/2010 15:07:00]我其實就無特別留意到日本舞台藝人, 但經你介紹原來石丸幹二又幾型喎 出年4月開始帝國劇場做 Les Miz , 不過就無石丸san, 如去開東京可一看啊!
我又係好鍾意「Empty Chairs at Empty Tables」，今年6月石丸幹二喺佢個人演唱會Medley有唱幾段，佢一開聲即起雞皮，好聽到喊！其後與佢見面，我同佢講我最喜歡呢首歌。
回覆刪除[版主回覆12/15/2010 00:06:00]今晚在Youtube揾石丸幹二的片, 他的聲音果然不凡, 最緊要係好有感情, 好介紹啊! 但我找不到他唱Empty Chairs Empty Tables呢? 其實他有沒有演過Les Miz?
佢冇做過Les Miz呀，1991年喺劇團四季初舞台，2007年退團，09年做「A New Brain」、「Sunday in the Park with George」，今年做「The 39 Steps」、「Elisabeth」嘅死神Tod。一月佢會同松隆子做莎士比亞的「十二夜」。
回覆刪除[版主回覆12/16/2010 11:06:00]我快速地睇過你的網誌, 你真係好勁, 佩服 好快又出發, 唔知你今次有無得"擁抱"呢!