10月3日 (星期日)
重頭戲的一天到了, 為咗以最好的精神狀態去迎接今晚的音樂會, 我哋決定唔睇其他表演, 輕輕鬆鬆的過上半天。 由於係星期日, 食過早餐後便去Notting Hill Gate 的Portobello Market行下市集。 呢個小妹妹好可愛, 令我想念在家中的小姐們 
前面彩色的建築物就到啦!
店舖都好有特色, 大部份都係賣些自家製或vintage的東西....
在這些小檔買了今晚去音樂會穿的vintage裙, 本來已帶了衫來但見到更好的咁就買啦!..
我都幾鍾意Cath Kidston的花花產品, 之前已郵購了一些, 入到她的店子竟然無咩收穫, 只買了些行李牌和小姐們的厚襪, 坦白講那些布袋太貴, 唔太值個價, 看中了一個新出的襟章袋要9x英鎊, oops唔買了....
估吓呢間店賣咩?...答案係"豬肉".....豬肉檔都咁優雅嘅....
呢間時裝店可以話係Singer衣車的museum, 成間都用衣車來裝飾, 唔知有幾多千部呢 
除咗買咗條裙外, 另一收穫就係在這裡買了一個布娃娃俾妹妹, (老伯身後的那款公仔), 家姐仔長大了不太愛娃娃, 而且她已有很多新衫新靴啊!
這店子的門柄好靚, 好有特色, 差點想買返屋企, 但俾大少阻止....
好raw的顏色筆, 不過相信做裝飾品會合適點....
好多懷舊盒仔, 妹妹見到實話要, 因佢好鬼婆仔成日儲埋d盒唔知做咩....?
銀行車隊, 幾有氣勢...!!!
有點懷疑那些鐘是否重可以用....
呢條街的小屋好多都好靚, 有些係"秘" cafe, 有點要講 "阿虫介紹o黎..."先可以入咁嘅feel ...
本來計劃在Portobello的Cafe食個露天茶座午餐, 但又係擔晒遮咁真掃興, 而且有點攰, 於是返酒店小休片刻同換衫, 再出Oxford Street的The Plaza食個late lunch。
呢度唔係日本呀, UNIQLO淨係Oxford Street 都有兩間, 勁!
由於今晚音樂會的演出場地在對岸, 我哋就沿tube的路線揀咗London Bridge附近行吓, 在London Bridge影Tower Bridge。 天空亦開始放晴 
見無咩地方想去, 於是早些去O2, 那裡有一個大mall, 早點到睇吓環境同揾吓晚餐食咩都好喎 ... 行返去London Bridge站時見到呢架巴士, 立即舉機....
好快就到North Greenwich站....(待續...)
沒有留言:
張貼留言