2010快閃倫敦賀Les Miz 25th Anniversary - Day 4

10月4日 (星期一)

講返間酒店, 原來好多歐洲人的旅行團都住呢間, 每朝9點就有大旅遊巴在門口接團友去遊覽, 所以早上餐廳都好多人。 酒店提議住客盡量8點前食早餐避開繁忙時段, 但今早我哋就特登8點幾先去餐廳, 一來瞓晏些, 二來他們都差不多要上車走了, 所以會少人些吧!  其實餐廳好似canteen, 排隊取食物時好似學生輪餐咁

咁樣影, 大少話好似影到間酒店高級咗...

N年前後生時在英國住咗成個月, 所以基本上講得出的旅遊景點同近郊都去過, 而且得個早上, 所以去未去過的London Eye行吓...但大少已去過, 佢話帶我去喎!

London Eye旁的水族館, 無咩興趣....

散步去橋那邊, 大笨鐘同國會....

回望London Eye....

再o黎London Eye和水族館....

由於我不"嬲"對摩天輪的物體無興趣加上畏高重要俾錢, 咁我就唔坐啦, 叫做到此一遊就算吧!  臨離開時見到呢部水陸兩用車反而有些興趣, 不過驚唔夠時間, 返酒店附近食晏啦....

再去Oxford Street買埋一早睇中的東西....

又出返China Town食個雲吞麵就回酒店攞行李去機場lu....

食麵時聽到老闆娘同個客的對話, 好似地鐵罷工好多人索性唔返工喎!  唔係掛? 於是早點去機場啦!  落到地鐵站問吓站長去機場有無影響, 她好嚴肅地說"有", 然後帶我去睇個地鐵圖點坐車去機場, 原來成個central London 的tube service係有限度服務, 甚至停駛, 好彩嘅係我哋有時間遊車河, 她提醒我們: very slow train.....於是要兜路轉車又轉車, 仲要在一個站等好耐先有車....

用咗兩個小時終於去到機場....

再買些手信便返屋企啦....

架機都有點舊, 我坐的窗口位有冷氣倒流水, 張椅濕咗, 但架機好滿無位可以調, 班空姐就唯有好好招呼咁成日問有無咩要....其實我知都唔關空姐事, 係我黑仔啫, 點知起飛後輪到同行中間排的鬼佬中頭獎....

飛機飛到英國上空看到黃昏的景色, 都幾靚o架可惜機冀遮咗...

回航快少少, 唔夠11小時就返到香港啦, 回家休息一陣可以一齊接小姐們落校車, 佢兩隻妹妹見到我哋開心到攬實晒, 大家有說不完的話啊!

P.S.: Les Miz 25th Anniversary Concert in O2 現場錄的DVD 會在 29 November 2010發行, 不過唔知香港是否同步。 Amazon有優先訂購, 但相信就算香港遲些也不會遲好多。