大雨終於停了下來, 避雨的旅客陸續離開, 而我們亦趕快追回時間, 去附近的四季彩之丘。 點解會去已去過的地方呢? 因為通常第一次去北海道, 都會想去多些花畑, 企圖睇晒所有景點, 但看多了會太膩, 覺得都係差唔多, 可能到後期會到此一遊便算, 以至錯過咗每個地方的不同之處。 我們就是這樣, 所以今次四季彩之丘就係重點賞花地, let's go!
我們先租了Golf Cart作一次預覽, 大少去到比較遠的地方俾家姐仔負責駕駛, 家姐仔就好滿足, 但我同妹妹就好緊張怕她控制不了車子。
遊人亦可選擇坐遊覽車。
花畑加上山巒, 美麗的畫面一一收於眼底...
向日葵畑雖然無北竜町大, 但一樣好看...
呢度的七彩花田, 不讓富田專美, 何況富田的花田這時已比較失色。
很奇怪, 為什麼這兒的薰衣草還這樣的紫, 但其他地方都已經枯萎, 唔通佢哋有秘方去培植花卉
坐完車就再行一圈, 讓大家有時間細心欣賞美麗的花海....
再三回望色彩繽紛的花地毯....
Roll君, 再見啦, 後會有期....
一轉出四季彩之丘就會見到Pension With You, 呢間民宿好受日本人歡迎, 曾經想訂但可惜屋主已經唔接受外國遊客。 盛夏時屋前一片薰衣草加上歐陸式的大屋, 好似o係歐洲咁呀!
見到向日葵又頭dup dup, 就知太過伯伯又要休息啦!
本來唔打算去青池, 但又受到當地一些旅遊資料影響(呢期佢好紅), 都去睇吓花以外的景觀吧! 由四季去約半小時... 都話佢紅啦, 都未到就已經見到有工作人員在路口管理出入口的交通。 泊好車跟指示向前行...
沿途有路牌指示方向...
都要行一段路架, 由家姐仔帶路...
到了, 真係幾靚, 幾特別, 但沒有資料說的誇張...
沿湖邊有遊步道給遊人影相或駐足欣賞, 有好幾位日本大叔佔據咗影靚相的位置, 似乎他們真係好鍾意呢個景喎...
都未行到盡, 看! 湖面上的漣漪, 係呀! 又落雨呀! 超煩...又走鬼啦!...
呢張大少影的, 終於有張Tiffany Blue的效果
好彩走得快好世界, 上車無耐已經滂沱大雨, 我即刻諗起那幾位日本大叔set晒腳架點算?! 不過佢哋咁專業應該早有準備掛! 出番國道237天空又放晴喎!
先去北西展望之丘, 只係想從高處影今晚的住宿~スプウン谷のザワザワ村。
兩年前從雜誌看過之後一直對呢個童話村念念不忘, 我們再來美瑛好主要係因為佢! 看見從雲層中透出的陽光嗎? 
從遠處一睹期待的夢幻村莊之後, 便向"她"進發....不過順道看看名樹先。 大少話以前睇過囉喎, 又睇! 但上次影得唔滿意, 想近少少影多次啊! 但大少唔係去近少少, 而係在三棵樹的側邊, 近睇真係唔認得, 只係普通樹。 於是兜番落些見好多人停晒車個位就fit晒啦! 
美瑛的名樹中, 我最愛 "親子之木"。
Mild Seven之丘在附近, 順便去埋啦! 不過真係無咩特別, 北海道好多地方都有類似的一排排樹木, 拍過廣告果然唔同D! (我指多人影咋!) 輸入Map Code, 便去精靈童話村啦!
待績.....
我放棄咗青池 lu .... 因行程已 delay 晒 , 除咗親子之木 , 另外 mild seven之丘都唔係好認得 , 因為個陣時係我揸車 , 屋企人冇個識
回覆刪除[版主回覆08/25/2010 00:43:00]其實那些名樹都係旅遊的宣導招數, 俾棵樹一個名又成為景點, 呢招日本真係好掂, 捉到心理, 就算好似我哋有質疑都會一遊睇個究竟, 甘願做stupid tourist, 無計 嗱..呢期又整個青池, 所以你今次睇唔到下次去啦, 長睇長有....呵!
就好似你咁講日本人好識捉心理 , 又分分鐘會唔會起 pension 起係青池附近 , 徙步幾多分鐘咁
回覆刪除[版主回覆09/02/2010 20:50:00]可能出年暑假真係會有新pension o係附近, 我見出番大路都有些好地道的pension啦!
7月頭再睇過Pension With You既網頁,又可以招待外海旅客,唔知有無攪錯左~
回覆刪除[版主回覆10/07/2010 20:34:00]真的嗎? 那麼去深山峠又多一個選擇啦!