由中富良野好快就去到富良野駅, 附近有好多食店。 前兩次都去福壽司, 今次想試吓另一間, 就係在駅前附近的富良野海之花。
可能我哋比較晏先到, 成兩點多, 無咩人又無咩食, 只有幾款壽司set可選擇, 不過招呼就唔錯, 本來店員安排我們坐餐枱的位, 但壽司師父示意我們坐在Bar枱有得睇佢整壽司。 本來大少想食其他海鮮, 但原來只在晚餐時段先有...壽司尚算新鮮好味, 不過同福壽司比就差了一點點。
我們原本被安排的枱....
那些個室係吸煙房....
午餐後先去酒店放下行李。 為咗睇肚臍祭方便點, 我哋又住呢間酒店, 那天曾經諗如果唔係肚臍祭就會試吓第二間, 好擔心落雨無得睇啊!
今日在富良野有幾個戶外地方想去, 早上已完成部份目標, 但下午想去的風之花園同坐纜車上山就去唔到 lu
勉強上山咩都睇唔到無意思, 於是去室內的新地方~Furano Marche。
基本上成個富良野的產品都可以揾到, 一邊賣土產, 一邊賣紀念品...
呢格係Tomita Farm專櫃, 賣唔夠可以係度補倉...
ARGENT外係富良野地道食品, 揾食二人組先去巡視吓...先食Cheese工房的雪糕, 盡頭綠色那間...
再食野菜棒同餃子, 好多人賣最旺呢間店...
整個Furano Marche係由呢幾座組成, 有些食甜品, 有些賣麵包, 有些賣新鮮蔬果...
Hea到大少都有些悶, 佢竟然提議去吓d咩工房行吓喎, 不過一來落雨我就無咩心情再去已去過的地方, 二來都4點半去到都關門啦! 於是在市中心遊吓車河, 見到大型些的超市便入內行吓....但始終心有不甘, 於是返酒店泊車去睇吓會場有咩搞....返到酒店停車場竟然無位, 應該唔係酒店住客泊晒d位, 果然等了不久有對情侶買完野走我哋先有位咋! 去到會場睇吓, 似乎肚臍祭會照去喎...好開心呀! 那些穿了靚靚浴衣的女仔原來今晚有份巡遊o架...
參加的人正被畫肚皮, 唔知痕唔痕呢
小攤位那邊唔係好多人...
今晚就係在呢條路有巡遊啦....
去到十字路口有表演添....
小姐們話要去番攤位區玩同買o野食...又食?!
睇o黎小朋友的巡遊會取消, 我們先去晚餐吧! 上次路過已想試吓, 就呢間啦!
內裡的環境...可能昨晚的BBQ餐太好了, 這裡真的比了下去, 食物, 服務都好一般, 我見鄰座的香港家庭都唔係好滿意他們的服務, 阿Q d 諗: 都好唔駛花太多時間, 快食快閃...
好彩食得快, 原來肚臍祭快開始啦! 負責打鼓的隊伍已非常落力叫喊, 好熱鬧呀!
開始啦! 路的兩旁已站滿人, 很難先擠進去睇啊...
兩位小姐已被雨傘掉下來的水弄濕身唔肯睇落去, 大少便倍她們站在一旁, 看看店舖的精品, 讓我自己好好欣賞....
每隊的打扮不各有不同, 見到佢哋d肚dum, 我係咁笑成個傻婆咁...
最香艷就係呢隊Belly Dance, 好落力啊, 個肚係咁"fing"....
呢班小丒好似好眼瞓咁嘅...只係畫功問題, 佢哋好賣力o架!
呢班疑似壞人的肚臍黨...
有小朋友啦, 不過得幾個男仔咋...
到Internationl Team啦, 好興奮雖然無份跳, 但都大力拍手為他們打氣....
其實步法真係好簡單, 可能國際隊覺得太單調, 好幾位人兄自創舞步, 好搞笑...
國際隊小朋友有專車坐, 好威呀!
連Thomas, 麵包超人等卡通人物都有, 路旁的小朋友睇得好開心...
接近尾聲, 我便去找回團友返酒店休息啦...
雖然我全身都濕透(因要影相我連遮都無用), 但肚臍祭的氣氛令我忘記濕漉漉的不適, 回酒店的路上我還跟着會場的音樂跳住肚臍舞, 我兩個囡囡話: 你傻咗呀?...
正在浴室洗頭時聽到嘭嘭聲, 原來有煙花呀! 浴室的窗可以睇到少少, 不過只有幾發便完了...
今日真的非常悠閒, 去不到想去的地方有少少失落, 但預計會取消的肚臍祭竟然又有得睇, 令今天有個完美的結束, 大滿足啊!
ひつじの丘 Tel: 0167-44-2952
Map Code: 349 199 044*01
Lavender East Map Code: 349 251 186
富良野海之花 Tel: 0167-23-1388
Natulux Hotel Tel: 0167-22-1777
Furano Marche Tel: 0167-22-1001
Map Code: 349 001 715
風之花園 Map Code: 919 552 448
沒有留言:
張貼留言