今年暑假我們一早已決定三度夏遊北海道, 因實在太愛呢個地方 
家人, 朋友, 同事, 都話: 又北海道!? 唔悶咩!? 我相信愛此地方的各位朋友都會答: 點會悶, 北海道咁大, 去多幾次都未必去晒, 何況美食更加多到數不完...對嗎? 總有一個理由令你一去再去
出發前個多月, 由於工人姐姐出了點問題要回鄉兩個月, 令我的日常生活十分受影響, 她的工作要我們兩老來分擔, 又要返工...忙到連準備行程都無時間做 
好彩平時都有做功課同埋上年已有今次行程做大綱, 只要定下每日所在地的活動, 比較隨意的閒遊老地方, 就成了今年的旅程。
第一天: 小樽潮祭及夜遊小樽 (住運河之宿 - 古川)
第二天: 三角市場 > 手稻室外游泳池 (住宏樂園)
第三天: 帶廣 > 紫竹花園 (住中札內農村休暇村)
第四天: 花畑牧場 > 幸福駅 > 金山湖 (住 Larch Log Hotel)
第五天: 富良野 - 肚臍祭 (住 Natulux Hotel)
第六天: 深山峠 > 四季彩之丘 > 青池 > Patchwork Road (住 Spoon Valley)
第七天: 旭川拉麵村 > 雪之美術館 > 岩見沢Greenland (住 Cross Hotel Sapporo)
第八天: 札幌中心 > 場外市場 > 北廣島三井Outlet (住 Cross Hotel Sapporo)
第九天: 羊之丘展望台 > 苫小牧北寄貝BBQ > 登別 (住第一滝本館)
第十天: 地獄谷 > 留壽都 (住 Rusutsu Resort)
第十一天: 留壽都 > 中山峠 > 定山溪 (住 View Hotel)
第十二天: 返香港
因之前已去過大部份遊遊景點, 很想用多一些時間去細味每一個地方, 所以行程內容看來很簡單, 但這全是重點實際上也很精彩, 一天一地方的時間只是綱好吧! 而且今次真係好感恩, 因為天氣其實不太好, 很多想做的事以為會泡湯, 但奇蹟和上天巧妙的安排, 令這旅程完美地進行, 實在很感動啊!
又北海道, of course 唔悶! 之前我都成日比人問呢個問題....北廣島三井Outlet 得唔得? discount 多唔多? BTW, 你去個時熱唔熱? 好似Sapporo 成35度... 真係好期待你的遊記......
回覆刪除[版主回覆08/09/2010 21:10:00]好肯定你唔會悶啦, 早幾年你年年去喎, 不過你就冬遊我就夏遊 出年農曆年我們會去睇雪祭, 第一次親身去看白色的北海道, 遲些又要細看你的資料喇! 三井Outlet就係太多shop, 外國牌子如他們標榜只些一家的Burberry就無野睇, 連日本人都唔多個, 但本地的shop就有收穫, 算係合理價錢, 有些都3折。 我買了一條裙後來在Rera Outlet見到, 但三井那間平了成千日元。 另外, 那個北海道市場都好多野行, 又係一次過揾晒北海道特產的地方。 我去的時候多是落雨, 有少少涼添, 但一出太陽都熱架! 札幌有35度咩? 真係唔知喎 我都等睇你沖繩的遊記啊
哎呀! 我係想話三井唔係好多shop先真
回覆刪除好想睇遊記 , 尤其中札內農村休暇村 , Larch Log Hotel
回覆刪除肚臍祭如果有日睇到就好 , 你地又一家一齊放暑假
上次都想住運河之宿 - 古川, 睇左你遊記就知係點....
[版主回覆08/10/2010 15:22:00]努力中, 我會加油啦! 中札內和Larch我都會有些評價, 但先賣關子 古川真係唔錯, 可以租和服出街影相, 而且好平, 大人500yen, 小朋友 300yen, 係咪好抵呢! 我差點租咗出世廣場那一家, 要3000yen一個人呀!
我o地都係最喜歡Hokkaido....去過三次了...次次都話想退休後去長住....<<發夢中>>
回覆刪除[版主回覆09/08/2010 22:59:00]都好啊! 買間民宿退休去做老闆, 係就好囉