2010暑假北海道悠悠閒之旅 - 第四天 : Part 3 幸福駅 - 南富良野

離開花畑牧場, 我們便出發往幸福駅參加Happy Ceremony啦!  比約定時間早了半小時, 去到好疑惑應該o係邊登記確認呢? 見到一間似係接待的小屋但上了鎖, 於是問問小店的老闆。  他看過我的email便說因我們預約的時間係2時, 所以會2時先有人。  見有時間便同兩位小姐影吓相先。

我們去到的時候正有旅行團到訪, 地方小小所有人都係影那幾個景點, 要等他們走了先可以影一陣。

看見天空嗎? 雖然還有點天陰, 但天色越來越好啊!  感恩!  小姐們玩呢個手動水喉都玩餐飽。

1時55分見到佳子嬸嬸在換衫的小屋準備, 我同大少就去同佢打招呼和確認。 看她的名單, 原來早上有3對日本人, 我們應是今日最後一對。佳子示意我們先在小屋選禮服同換衫, 那些婚紗好舊, 好out又好污糟的, 全都很大件, 我穿那件係最簡單的了。提一提想去影相的朋友, 真係要自己帶girdle, 因婚紗欠清潔, 有自己衫隔一隔好些, 我的婚紗領口有很多唇膏漬啊! 男士方面, 佳子幫大少襯晒全套禮服, 原來件恤衫係假的, 像口水肩的放在胸前咋! 都好唔駛咁熱  間房好細又焗, 忙亂中大少唔記得個bow呔, 換番衫時先發現 儀式很簡單, 佳子係証婚人, 由於她只會日語而我們又沒有請翻譯, 她便給我們看看她要講的稿, 家姐仔這時就做小小攝影師, 為我同大少拍下重要的簽紙一刻。 簽完名, 佳子幫我們影"官方"指定相, 然後會攞去處理。

在佳子去整相的時候, 大少充當攝影師幫我同囡囡影相, 家姐仔又幫番我同大少影合照, 又玩餐飽。 本來未影夠o架, 但見佳子已整好張相行過o黎找我們, 唔好意思阻她收工, 所以影婚紗相遊戲就玩完啦! 家姐仔: 媽咪, 我同妹妹一人行一邊好似花女咁倍你行上去吖!"  好主意喎!

換完衫無幾耐諗住再影一陣, 因我們自己穿的衫也是白色系扮causal wedding, 但影唔夠幾張又開始落雨啦!  於是快快上車走啦! 係咪好神奇, 好天咗呢兩個幾鐘就實現咗我以為會落空的願望!   路經十勝平原休息站, 食串十勝和牛, 好好味o架!

估吓邊度? 係我幫襯洗手間時影的, 洗手盆旁的擺設好可愛啊! (無聊!)

去到金山湖附近已經開始大雨, 唔可以在金山湖薰衣草田行吓, 咁去酒店囉!  到達期待的Larch Log Hotel, 在大堂取過鎖匙, 地圖同約好晚/ 早餐時間, 我們便往小山丘上的小屋啦!

這便是我們今天的家208室, 又係由妹妹開門。

一入到屋小朋友就嘩嘩聲, 好開心咁周圍走。 先o黎客廳...

客廳與露台...

Bar枱...

廚房...

玄關一入就係呢條令小姐們呱呱叫的樓梯....

由樓梯落去就係洗手間, 浴室同睡房...樓梯旁係衣櫃...

好整潔的沐浴間...

有5張床的睡房...

我們訂了BBQ餐, 大少話早些開始慢慢燒唔駛食到太夜, 於是準時5時半就有專人送來食物同"透"火...由於濕氣很重, 要好些時間先起到火。 哥哥仔還帶已洗好的米, 校定時間制煮明早的早飯...

雨勢越來越大, 但設備很好完全不受影響, 只是當有橫風時好緊張會吹走d杯楪啫, 都幾好玩o架!  唔好以為好少食物, 其實好多吓, 牛肉都有4款, 全部都好新鮮同好味! 再加埋附上的醬汁, 真係好enjoy呢餐....最後都係食唔晒!

家姐仔話要做小廚師, 煮餐好的給我們吃...佢真係好用心o架, 完全掂呀!

再睇番呢d食物都流口水呀!食吓, 飲吓, 又欣賞吓雨中的環境, 好"他條"咁又食咗3個幾鐘,  最遲要9時食完啦, 可能因他們要收工掛!  只要一個電話通知就會有人來收o野, 幾好呀!

呢種木屋係我們一家最愛的住宿類型, 旅行得o黎又有家的感覺, 而且呢間酒店無論住, 食, 服務都好好, 可惜未有機會試吓他們的餐廳...將來吧! 我們會返來啊!  還有, 始終在山區一定有虫虫, 但他們所有門窗都有紗網, 我們燒烤時都只係有蜜蜂飛入屋揾唔到路走要幫吓佢, 反而雖然落雨, 但無咩蚊喎!  睇吓電視, 浸吓浴又係非常愉快的一天啦!

中札內美術館 Tel: 0155-68-3003

花畑牧場 Map Code: 396 481 615*65

幸福駅 Map Code: 396 874 086*72

Larch Log Hotel  Tel: 0167-52-3100