2010暑假北海道悠悠閒之旅 - 第七天 : 旭川 - 岩見沢 - 札幌

7月31日 (星期六)    晴天

北海道的夏天實在好早就日出, 被溫柔的陽光弄醒只係4時多, 但已錯過咗睇日出的時間, 於是繼續抱頭大睡  不過都唔可以瞓好耐, 因要準備7時半會有人送早餐來呢!  今日終於見到小田太太, 她親自送早餐到來, 很日劇的家庭主婦啊!  打個招呼知道我們打算在屋外食, 放好東西便回主屋了, 很怕醜的。

當擺好個陣影完相後, 已經好晒, 未食都流晒汗, 所以都係搬番入屋食, 一樣咁好feel  yeah!...

早餐好豐富多到食唔晒  好唔捨得離開, 又周圍狂影盡努力留住呢一刻。 我們的小屋+車仔。

所有鄰居都走晒喇, 影完一輪相係時候繼續行程, 返去拾o野lu!

到主屋交還鎖匙見到小田太太和她的女兒, 本想和她們合照但屋內的人都很忙唔好意呢! 而且好像不便留在屋內拍照, 所以只影到我們離開時的一刻。

村口的招牌...

駛上少少看看我們在這做了一日村民的小村莊...bye bye, 有機會再探你啊!

下個目標係旭川拉麵村, 沿途風景很美, 天氣又係咁多日最好的, 好舒服呀!

唔駛一個鐘就到咗, 仲未係好多人...

先試吓"山頭火"先....

要了鹽味同醬油味....真係幾好食喎!

之後去埋"一藏"試吓招牌蔥拉麵, 好香蔥味, 都好好食! 我們一家喜歡的口味係2:2, 小朋友們選"山頭火", 我和大少就"一藏", 可能我哋喜歡蔥的香味吧! 總之各有各好!

成碗都係蔥好"正", 不過小姐就唔太欣賞, 同埋佢哋感到好奇怪點解食兩次拉麵嘅?

一藏的門口, 本想影埋火頭山, 但已多人排隊了唔方便影添!

豐富早餐再加兩家拉麵真係好飽, 要去旁邊的UNIQLO, 反斗城行吓幫助消化...不過最後無行反斗城, 怕小姐見到玩具唔願走阻行程進度, 因今日mission比較多。  第二個要去的地點就係雪之美術館... 

進入同離開都要經呢條旋轉樓梯...

雪之廻廊沒想像中的冷, 隔着玻璃看那些冰柱同冰塊感覺有點奇怪的...妹妹問: 會唔會有怪獸走出o黎o架?

其實我最想就係看看呢個音樂廳, 見人家的相片同旅遊雜誌影得好靚, 好想親身睇吓...

呢個音樂廳好"女仔", 少女的感覺...

幻想吓有位新娘在這通道接受親友的祝賀, 真係幾浪漫...

觀眾席的後面係一個飯廳, 剛巧有台灣團準備在這用膳, 我便快拍下了幾張相...

唔知日本新娘會唔會穿和服禮服在這行婚禮呢? 日, 西合壁?

介紹不同雪花形成的影片, 不過唔夠時間睇啦...

另一邊的小畫廊...

音樂廳兩旁的走廊...

又要行番上去, 好攰呀!

對旁邊的優佳良織工藝館沒太大興趣, 不看了...

點解今日咁趕呀? 咪就係要去小姐們好期待的岩見沢Greenland囉! 在網頁得知由今日開始4時後入場平幾百yen, 但我們3點半到, 附近又無咩想行, 點hea都 hea唔到喎, 而且小姐們已好心急要入去喇, o係門又唔入實在好似"玩"佢哋咁, 於是算吧, 當唔知有時間優惠, 入喇! 比想像同九州的那個Greenland都細同舊...

妹妹第一次玩呢個小朋友的旋轉鞦韆, 初時擔心她會驚, 點知試過之後玩到唔想停...

家姐仔又鼓勵妹妹坐兒童過山車, 第一次有大少同家姐仔倍, 第二次已經要自己坐, 學人舉晒手咁啦...

又分組活動, 大少倍家姐仔去玩激些的遊戲, 我就倍妹妹玩她的新玩意...其實個場真係好快可以玩晒所有遊戲, 不過我哋想睇埋晚上的煙花表演, 所以不斷重複遊戲, 又去食些東西, 好不容易先到8點睇煙花。 但係, 唔好睇嘅!? 又少又短(時間), 早知係咁就唔留咁耐, 返札幌食晚餐同行街啦...激氣! 

跟住兩晚都係住呢間型格酒店 Cross Hotel。 入到房考妹妹: 無洗手間嘅? 點知佢懶醒咁話, 電視機後面咪係囉!

都好乾淨同夠大...

坐在浴缸內可以睇到電視塔的....

時候不早, 在遊樂園又食唔飽, 於是去咗時計台旁的"根室花丸"食壽司。 原來呢間無廻轉壽司的, 要即叫即做...壽司師父又後生又靚仔喎!

呢個宵夜都好豐富架...好新鮮, 又好味!

妹妹至愛~茶蒸碗...睇得又食得

呢個係正門, 在路面都幾難搵個入口, 因你明明係見到但又唔知點入, 原來在時計台旁的商業大廈行落去地庫就會見到。

返上房都已經比較夜, 而且今日好"勞動", 一家人一齊浸個薰衣草浴便要瞓覺覺豬啦!

旭川拉麵村    Tel: 0166-48-2153

Map Code: 79 410 482*15

雪之美術館 Tel: 0166-62-8811

  Map Code: 79 367 371*65

Greenland Tel: 0126-22-2121

Cross Hotel    Tel: 0112-72-0010

根室花丸 (時計台) Tel: 0112-31-0870