本來酒店要求住客離開酒店時要交鎖匙在接待處, 但無人喎咁我哋自己保管吧! 由水之謌去會場好近同方便, 經過一些小店便看見支芴湖...
再沿人潮方向行就會見到....
入口好多團影相, 我哋入去先影lu。 遊人可自由付款, 而工作人員就會送遊人一套冰濤祭明信片, 我順手放了張千yen但見個盒內全都係coins嘅, 有點蠢咗嘅感覺添 
....
第一個見到係一個神社, 牆上貼滿硬幣, 小姐研究緊點整喎....
又有雪梯玩啦, 而且小朋友唔算好多, 可以玩得好暢快呀....
玩咗一陣太陽開始落山....
我就上展望台影全景, 未有燈光但黃昏都好靚....
o黎個近少少嘅"咸旦"先....
在展望台上可看到這溜冰場, 不過係無溜冰鞋租的, 咁點玩呀? 就係d阿爸起勢咁將d細路"fing"出去囉, 嗱, 左手紅色衫那位正準備fing大小姐出去啦....
再o黎二小姐, 連大少自己都差d飛埋出去, 幾落力呀....
各阿爸阿媽都做咗發射站, 又或者可以好似家姐仔咁, 自己助跑再飛出去都得....
好彩d衫褲完全防水, 唔係就濕晒....
落返去同佢哋會合無幾耐就開燈啦, 好靚呀! 叫佢哋一齊上去睇全景, 小朋友唔制要再玩, 咁我自己又上多次啦.....
先行遠少少影張平地先.....
亮燈後多咗人排隊, 上到展望台已經天黑lu, 無得燈飾+晚霞添.....
另一邊的景色....
呢張加大咗曝光, 爆咗少少 算啦, 我唔識影係咁上下架啦....
由4點多玩到差唔多6點, 要走啦, 返去食自助餐啦.....
其實會場附近都好多食店, 好熱鬧架.....
AMAM在這橫街有入口, 但上了鎖都係要返正門....
水之謌正門夜景....
每個父母出戶外前都係忙於同小朋友添衣服....
冰濤祭的海報都幾靚吖....
妹妹話: 小冰, 你坐吓先, 我去攞野俾你食.....
所有枱上都已經準備好各住客的頭盆....
最吸引係呢個甜品角, 你哋等我....
廚師們都好忙碌呀....
有多款新鮮果汁, 同埋呢種有紅, 綠, 黃三種色自家培植的Nepuree果汁....
這些冷盤的賣相真係令人食指大動.....
款款都又靚又好味, 盡量一款食一件, 試晒去....
剌身絕不欺場, 仲有松葉蟹腳剌身架, 剛被劫晒, 不過好快就有....
大會指定主菜每人一份, 底層的煎魚好香滑, 海膽新鮮, 蟹肉甜美, 露筍好似剛被摘下來咁青蔥...詳細嗎 
6點半會場放煙花, 估唔到都睇到高層次的那些喎.....
放完煙花好多人入座lu, 繼續食...中段掛住食無影相添, 飯同湯會有人幫你的。 其實我係影後面幅畫, 兩隻鹿鹿同雪景好靚呀!....
等我介紹吓我認為是晚最特別的食物先, 睇落好普通喎, 嗱, 先講蟹汁, 好多時都偏咸, 但呢個就真係好清甜, 飲完唔口渴; 紅Nepuree汁, 我飲咗3杯, 味道似士多啤梨+甜紅椒, 有益又好飲; 黃色的係日本柿, 真係好少酒店水果有柿食, 仲要係好味到我停唔到口....
女人第二個胃出o黎啦, 所有甜品無一幸免, 小玻璃杯深紫色的係葡萄啫哩, 好濃的(富良野葡萄汁的味), 小小的macaroon雖然係裝飾, 但真係好食到想攞晒呀, 但攞咗咪要食埋件餅? 又食唔到喎 ....
大滿足到瀉咁滯, 唔係講笑, 真係要行得好慢返房, 唔係會嘔番出o黎! 散吓步幫助消化先....
入到房已鋪好tatami啦....
小姐第一時間嘆電視, 有Doraemo喎, 睇得好開心雖然唔知嗡咩....
大少先去浸溫泉, 我就坐吓按摩椅同嘆咖啡....
妹妹就好鍾意個風呂會變色, 前年都在小淵沢試過, 好有趣喎...
睇吓大小姐幾嘆, 浸完溫泉, 一邊睇卡通片, 一邊按摩, 依家d小朋友真幸福....
晚上看新聞, 原來昨天全日本好多地方都落強雪, 神奈川更有屋頂塌下來壓死一男子 
真係幾十年一遇咁...
可能有大窗戶比較開揚, 小朋友好喜歡呢度。 今晚真係好好瞓...
好攪笑--->"大滿足到瀉咁滯, 唔係講笑, 真係要行得好慢返房, 唔係會嘔番出o黎!"
回覆刪除個個去都系食buffet, 唔知有無人去食和食料理
[版主回覆03/01/2011 00:39:00]如果早到真係可以午餐食buffet, 晚餐試和式都好喎, 呢種hea玩法好o岩你哋噃, 都o岩我們一家啫! 有得諗
我地之前都好stupid, 個plan 包和食料理, 但係轉咗食buffet, 佢話價錢一樣, 但感覺上和食料理應該貴少少, 食buffet 諗住小朋友有多d選擇....
回覆刪除溜冰場好好玩呀, 小朋友人一定玩到唔願走...
仲有, 變色的風呂好正呀!
[版主回覆03/01/2011 21:49:00]我又唔覺係stupid喎, 最緊要一家食得開心就夠啦! 溜冰場呢種玩法仲好玩過真係溜冰呀! 有個日本爸爸好搞笑地將個B女(約歲半大, 大字形瞓在冰上)係咁轉, 個B女笑到卡卡聲, 好開心 我兩隻真係唔想走架, 不過好多小朋友排隊等, 要她們讓個位出o黎咋, 自己玩過就唔好霸住嘛! (無限時間玩的, 但一定要有頭盔, 還一個頭盔換一位小朋友入場)
風呂變色時, 佢哋係度: 紅呀! 黃呀!, 綠呀!....好好笑
我失落左既冰濤祭呀
回覆刪除自助餐好豐富 , 我舊時都有個甜品胃 , 宜家老左食唔到咁多喇 !
[版主回覆03/01/2011 21:52:00]你都知我一定會話: 但係你成日都天氣好, 又睇到雪燈之路喎! 殘念你唔夠我多! 倖番個尾彩我都好啩! 我都好滿意這個自助餐
我食自助餐食得最飽係呢餐，嗰杯紅色果汁我都唔知飲咗幾多杯，我平時响香港好少甜品，今次食咗好多，飽到食唔落生果。點解你哋唔睇埋煙花先返酒店食晚餐?
回覆刪除[版主回覆03/01/2011 21:57:00]我都係喎, 就算在阿寒鶴雅我都要行黎行去先揀到想食咩! 呢度一定無阿寒咁多款式, 但貴精不貴多, 係款款都引起你食慾先勁呀! 睇番相都好回味
我哋一家唔太好煙花, 香港成日都有得睇! 想時間用係d更精彩嘅地方囉!
Zason+2T : 呢個 " 支芴湖" 同埋間酒店 , 真係靚到冇投訴 .
回覆刪除Bye Bye !
[版主回覆03/09/2011 00:06:00]係呀, 呢次我們最喜歡呢個冰濤祭, 又靚又好玩 水之謌我覺得我係會再去的, 因為附近都有些地方可以去吓, 不過唔知下次會係咩季節去lu
下...fing d小朋友係冰面...好多小朋友瞓晒係地, 好攪笑呀!
回覆刪除我見識少, 真係新見聞...
[版主回覆03/10/2011 00:09:00]我都係第一次見, 好搞笑又好玩, 所有細路都high爆
变左玩 FING 嘅
回覆刪除[版主回覆04/08/2011 21:13:00]其實如果真係溜冰就會好危險, 始終有刀在鞋底, 反而咁玩好安全又搞笑, 好玩好多呀! 可能小朋友都係鍾意在地上"扒牛牛"同"碌地沙", 全場笑聲最多....