2月5日(星期六) ~ 年初三 晴天
昨晚行李最後召集, 除了小朋友的平安藥, 我好少會帶其他"補品"去旅行的。 但這次就做足準備, 有驅風姜茶~o岩我年紀大要旁吓身 
; 清熱酷~食完燒物要飲; 維多C~電占介紹, 一有凍親跡像傷風就要飲; 枇杷膏~想知有咩功效, 唱隻廣告歌就知有幾勁; 而最重要係呢支AI Lotion同AI Cream, 因為我的團友們皮膚都非常敏感, 一乾燥又痕又出疹, 一於試吓先!
用後感，小姐們幾o岩用, 但大少就唔得, 佢話好"嗱"喎!
晨早天都未光齊已出發 
不過唔知點解無夏天去北海道時咁興奮 
去到機場好快搞掂, 我哋例牌行吓Disney Shop, 在兒童區又玩吓, 大小姐竟然未上機就撞瘀隻腳趾尾, 瘀到成粒波子咁 
都係坐定定睇戲等上機吧!
本來在２9號閘登機, 後來又改咗。
先去 Lounge攞兩支水呀, 三文治呀, 以防飛機又停唔到札幌要捱幾個鐘 
因早兩日飛札幌的機要停羽田等千歲機場清雪啊!
行過見到有舊香港的展覽, 對外國人黎講都應該幾有特色。
改咗係3號閘, 但係廣播又話原本的飛機有問題換咗另一架, 所以要delay, 最後10點起飛啦! 
這次去北海道真係好多人帶小朋友同行, 最令我驚訝係起碼有3個家庭係帶埋菲傭去, 仲要其中一個家庭有3個小朋友, 就有3個賓賓, 好明顯"隻對隻", 我同大少都諗駛唔駛呀? 後來我先知佢哋真聰明, 錢解決到就唔係問題, 但我係解決唔到....
好彩地今天天氣不錯, 千歲機場又無問題, 好快就到啦! 睇返顯示應該係東北呀！
雖然坐得前好快去到海關, 但之前的一班從澳門的機都未清晒人龍, 所以又排咗成個鐘先可以去取車。 開車往由仁已經係黃昏啦!
約一小時便到達由仁之湯, 好本地的溫泉旅館, 有點似寧靜, 優雅版的九州湯巡追莊, 好多一家大小, 老老嫩嫩的一齊渡假。 我們的房在3樓, 風呂房有和室, 洋室, 我們被安排了日式的。
雖然唔算好大, 但非常整潔, 簡單和諧的感覺。
這就是我們的家族湯...
俾個近鏡, 泉水係茶色架, 水質好滑, 好似浸係加咗loton的水咁, 之後十勝的美人湯都無咁滑....
從房可望到風呂的, 風呂旁的門推出就係小露台, 不過好凍又黑麻麻無出呀...
浸完第一輪剛好係晚餐時間。 部屋食, 內容都好豐富, 會一道道菜咁上, 之後的無影相添
小朋友就都係呢類, 無咩特別....
食飽飽梗係去玩啦, 兩個傻瓜扑傻瓜 
呢間旅館都係物產銷售中心, 有米同其他農產品賣的....
好可愛的木製掛飾, 我本來都想買的, 但這次旅行目標係唔準買非必要的東西, 影咗當買晒 
第一天就是這樣的順利, 愉快地渡過 
Zason+2T : 好野 ~ 終於起程 . 果然準備充足呀 , 我都冇你咁利害 , 榻榻米 ~ 我的至愛 .
回覆刪除不過最後果句 : "唔準買非必要的東西" ~ 會唔會辣D .
Bye Bye ~
[版主回覆02/16/2011 15:31:00]man wai: 人哋去廸士尼都要做足準備啦! 我今次真係幾成功, 除咗阿妹妹要買公仔同少少文具之外, 我只係買咗少量札幌雪祭紀念品俾家人做手信咋! 家姐仔就無話要買d咩
每次冬天去北海道一定帶Avene Body Care Cream, 試過一次帶Crabtree 的唔得, 要在當地買Avene, 肉赤到呀! 小朋友under 3我都係比佢哋用Physiogel 的cream, 醫生介紹的。
回覆刪除3個小朋友, 就有3個賓賓, 真係有$$就解決到問題, 唔似我地去旅行要2個大人睇2個小朋友....
呢間溫泉旅館唔差呀, 有私人風呂, BTW, 你哋放行李都放得好整齊
[版主回覆02/16/2011 15:38:00]Avene Body Cream以前家人會從加拿大買俾我, 但我兩位小姐唔太o岩用, 有需要時改咗用Physiogel 。在日本買外國品牌真係貴到無朋友啦! 其實諗諗吓, 我哋都幾叻, 可以又plan行程, 又要照顧小朋友 由仁之湯唔錯架, 附近有由仁花園(下編會有), 箱根牧場, 夏天去都唔錯架!
我唔記得左買姜茶, 枇杷膏就回港前一晚食完牛角先食左兩匙更.
回覆刪除由仁之湯都幾得喎.
[版主回覆02/16/2011 22:30:00]由仁之湯我係推介架! 你2012回歸日本時可以諗吓!
你哋住"落葉松"都幾大間喎~
回覆刪除[版主回覆02/17/2011 12:14:00] 你點知架, 莫非你同我哋一日? 又唔叫人! 可能我鬧緊女你唔方便阻我
緊係唔係啦.... 只不過見到你 upload 啲相之嘛~
回覆刪除[版主回覆02/17/2011 21:01:00]係喎, upload咗少少, 今晚寫
wow... 你都好快寫遊記呀 ! 好嘢有得睇.... 由仁之湯啲房都吾錯喎... 個家族湯幾好喎..... .
回覆刪除[版主回覆02/17/2011 21:03:00]唔快唔快, Acacia好似上咗摩打咗出晒添啦! 都幾好架, 好地道的旅館。
Wait for your update!!!!!!!!!!!
回覆刪除[版主回覆02/17/2011 21:04:00]Coming soon, coming soon.....
返嚟嗱. 好唔好玩呀? 你咁快手就可以出遊記, 好厲害 . 等住睇你精彩的遊記. 我還正在努力整理緊D相.
回覆刪除AI Lotion同AI Cream好唔好用? 因我嘅細女都有濕疹的問題, 佢之前細過時每逢冬天要搽濕疹膏, 後聽醫生建議在每逢冬天開始變得乾燥時, 便在沖涼後搽"純天然的橄欖油"後, 呢4年冬天都無出有痕有痛嘅濕疹. 上次聖誕去北海道便帶一支"大"的橄欖油比佢3父女用已OK了.
[版主回覆02/17/2011 21:23:00]我都有帶定醫生的濕疹膏, 但非必要都唔會用因有類固醇, 只會因食完海鮮敏感出疹先搽。(我家先生小姐都係海鮮敏感的!) 每次沖完涼她們都會搽Vaseline Intersive rescue, 而第天換衫時再全身搽AI Loton, 而面日間就會先搽OLAY sensitive cream 再搽AI Cream。 橄欖油以前有試過, 初時有少少油淋淋咁, 她們不喜歡呢!
又去完北海道返黎啦，真係羨慕死人啦！
回覆刪除[版主回覆02/20/2011 23:01:00] 我中毒超深, 要間中去揾解藥o麻!
這個解藥真是能醫百病架，不過唔係人人都可以成日服用呢！
回覆刪除[版主回覆02/21/2011 17:00:00]咁病入膏肓個d咪食多劑囉!