2011雪祭王國~北海道限定行 : 第五日 (下集) 札幌

又係比較長的車程, 小姐們正好"叉"吓電  瞓足3粒幾鐘!  入到市區開始塞車, 感覺都唔同咗! 在札幌住Richmond大通兩晚, 車要泊在對面的露天停車場。  辦好入住手續就先到自助付款機俾錢, 我都係第一次用, 好大鄉里呀....

又係尾房, 方便逃難?... 雙人房都可以啦, 唔算太細, 藍色呢個係保溫袋, 我們次次都有用, 要黎放飲品, 零食同常用雜物(如簡單食具), 一整袋放在車方便旅途上用。

安頓一吓又要出去揾食lu, 本來去附近呢間Sea Market, 想食炭燒海鮮同牛呀咁, 去到無位要起碼8點半先有, 先至記起呢間係要訂位的....

於是去另一間暑假去到摸門釘的"開", 又好彩地有位喎....

呢間專食蠔的餐廳在香港的雜誌見到時已記下, 因為要親身去厚岸食蠔有點難度, 在市區可一次過試唔同蠔的料理, 真好!  先黎客生蠔, 唔客氣啦...嘩! 我同大少對望一眼, 妹妹精靈的問"好好食呀? 我又試.."  妹妹食完話佢要一碟, 於是就即再叫多一客, 3個人分, 家姐仔就無興趣....真係好鮮甜, 肉又爽, 正!!!

海螺刺身, "賣非忽"....

再黎燒蠔, 真係停唔到手又停唔到口....

呢煱蠔粥鮮甜到拍得住蟹粥....

蠔火鍋"相對"無咁好味, 不過都清晒.... 

家姐仔除咗食火鍋內的菜同烏冬, 就無咩喜歡食, 所以大少再叫隻毛蟹, 她們兩姊妹KO晒成隻....

大少睇相以為係秋刀魚, 點知唔係, 只知係當造的魚, 不過一般啦....

真係好飽  食緊生蠔時, 老板過黎打招呼, 又好客氣地幫我們一家影咗張相, 可能影得唔好, 又再影多次, 仲好似d大溫泉旅館咁有個封套放張相入內, 好精美架! 小朋友又有禮物喎, 妹妹就係等我影餐廳門口時, 欣賞緊份禮物啦(米老鼠文具兩套)....

時間尚早, 散步去大通雪祭會場先....

無燈燈嘅? 又發瘟! 我本來今晚計劃飯後去薄野會場睇light up架, 食完飯咩都唔記得, 算啦都到咯!  今年其中一個台係Lion King, 就快上演做晒宣傳....

支粟米好似呀....

妹妹見到又話要食甜品啦....

妹妹支朱古力香蕉搞到熊熊流晒口水添....

小店有好多唔同的小食, 都有興趣食架, 不過真係未落格, 睇吓又當食咗....

大型冰雕, 又係呢隻鷹....

呢個小女孩冰雕好似妹妹細個時, 好得意呀....

親子熊熊, 又好可愛喎.....

行咗都無一半, 我有點攰而且都安排明早睇雪祭, 於是又行返去酒店, 但見酒店對面就係激安之殿堂, 於是上去行一轉先, 買d化妝品呀, 零食呀, 雜物呀咁, 全程呢度買最多野, 大家都好滿足咁返房休息啦!  小姐們坐車時叉咗電唔肯瞓, 要睇電視, 我就支持唔住喇, 早抖!