2月11日(星期五) ~ 年初九 雪/ 天晴
今早本來安排咗去另一雪祭會場つどーむ
去呢個場主要係俾小朋友玩, 但呢幾日玩嘅都係差唔多, 而且那處要坐地鉄再轉shuttle bus時間安排上唔太方便, 三來今晚又去支芴湖雪祭, 同大少一致決定取消這行程。
Richmond地理位置都好方便, 另一門口直出狸小路, 對面就係紀念品店, 而且無論去大通雪祭或薄野雪祭場地都好近。
既然前晚忘記去薄野場, 今早正好補回, 行兩個街口就到, 今日天色唔錯啊....
個人覺得晚上有燈靚好多, 冰雕品有燈光下又會立體好多, 入去囉....
特別喜歡親子主題的作品....
呢座冰宮年年都見, 應該係一年整一次吧, 留唔到下年用! (梗係啦, 講埋d多餘野)....
同兔兔有關的作品.....
如果可以坐上去餐椅, 啤一啤都好喎, 好特別嘅體驗 (喂! 未瞓醒呀!)....
高達???點解你唔高嘅?...唉! ......
呢幾條三文魚都好生猛喎, ....
又係親子系作品, 今次係鹿鹿....
Thomas呀! 點解我興奮過小姐們嘅.....
可以想像到晚上亮燈後整個裝置會幾靚, 想睇去人哋嘅blog啦....
又係要11點前出車走啦! 本來想去Stella Place的根室花丸食壽司, 點知由於今日係日本假期, 大通雪祭加封咗好多條路, 原本很短的路程要兜過晒成個會場先可以兜入大丸的停車場, 這時順道在車內睇到沒有看過的大型雪像。 塞咗差唔多半小時去到大丸, 噢! 滿咗唔入得, 於是又找最近的停車場。 好! 終於上到去根室花丸, 俾你寫名但要等兩個鐘, 緊係唔等啦, 於是我攞張卡片去另一間食(要電話號碼入GPS呀)。 此時, 小姐們又嗌肚餓, 咁先落大丸買幾件腐皮壽司滿足吓佢地先(自從在三余庵, 家姐仔愛上腐皮壽司), 就係咁嘥咗半朝! Bye bye啦札幌, 我哋唔知幾時會再o黎啦.....
約十多分鐘車程去到札幌南的根室花丸....
等位中, 因我們想要枱, 呢幾張椅我影完相後好快滿座....
有得食啦, 唔駛1分鐘, 枱上已有咁多碟, 好肚餓嘛咪起勢咁攞囉, 之後相都唔影啦....
板長好專心幫我哋整緊壽司, 超新鮮又好味, 自駕的朋友可以考慮唔一定去札幌駅的根室花丸啊....
差不多3點先起程去支芴湖, 約半小時車程, 就快到啦....
今晚入住鶴雅 - 水之謌, 車子駛入已有專人對名同泊車....
酒店正門的擺設....
然後經過這走廊, 很寒冷的啊, 以為入去就係室內, 大家都無着外套....
最後到達正式的酒店大堂.....
剛巧有豎琴演奏, 小姐們第一次咁近距離見人彈而看得入神, 嗱, 你千其唔好話要學呀! ....
豎琴本身已經好優雅, 再加上美女令整體好協調, 舒服....
左手邊那位就係負責招待我們的中國職員, 他好有水準好清楚有條理地完成他的任務, 我們一邊享受welcome drink同欣賞豎琴演出, 一邊辦理入住手續...
有風呂的房都在大堂的樓層....
到了, 217號房...
待那酒店男生詳細介紹完房內, 外設施同約好晚餐時間, 再送走哥哥後, 妹妹已經"碌"咗係地上, 大少同家姐仔就立即去睇吓個風呂...
我就緊係襯未亂影相啦, 又係沐浴間同風呂一頭一尾, 兩間鶴雅都係咁嘅...
張床好舒服, 似乎今晚有覺好瞓啦.....
梳洗間可直望出房, 好喜歡呢個設計, 因為早上通常我最早起床, 咁樣可以方便我留意到小朋友幾時瞓醒....
外套都唔着, 家姐已經在外面研究個溫泉lu.....
起居間晚上會鋪兩張Tatami俾小姐們, 而妹妹的新朋友"小冰"已經享受緊張按摩椅...
風呂的弧位有大有小好舒服的, 唔知係咪人體工程學設計呢.....
從小花園影入房.....
見還有點陽光, 決定去支芴湖冰濤祭先.....
thomas...我見唔到添; 根室花丸個個都話好食, 我都好想食呀! 水之謌好有resort feel
回覆刪除[版主回覆02/28/2011 20:30:00]Thomas去到最後先有, 條街好短咋喎!? 根室花丸真係好食, 而且唔貴先係吸引人嘅地方囉, 下次一定要去, 不過盡量唔好去札幌駅那間, 太多人等位啦! 我的小姐最鍾意水之謌喎!
展望露天風呂唔系對住個湖嗎? 我以為系個間啊, 我原本想下年去時住那間房, 對住個湖浸有意思D, 但下年過年無雪祭, 而加都唔知去唔去支笏湖好
回覆刪除展望露天風呂系對住個湖嗎? 我以為系個間啊, 我原本想下年去時住那間房, 對住個湖浸有意思D, 但下年過年無雪祭, 而加都唔知去唔去支笏湖好
回覆刪除[版主回覆02/28/2011 22:56:00]唔係對正, 側側地係見到的。 其實就算無雪祭, 如果你在行程的一頭或一尾去住一晚都ok喎, 咁近機場! 在酒店hea吓, 浸吓又或者進取d揸車去丸駒浸個日歸溫泉都仲得(叫做秘湯去睇吓有幾秘都好), 呀, 早餐煱飯幾好味架
水之謌啲房幾正, 幾濶咁喎.... 風呂房係咪都對住個湖呢?
回覆刪除[版主回覆02/28/2011 23:00:00]側側地睇到, (見你同小肥羊都問對唔對湖, 睇吓相先, 係好側先岩), 下編會見到 我家大少話如果再去就要露天風呂個種房, 車! 聽住先啦....
咦，呢個風呂又唔同我哋之前住個間房喎，我哋個風呂係木做的，可能呢間房個景好少少.....
回覆刪除[版主回覆02/28/2011 23:53:00]係咪都係Garden View房呀? 木咪襯d囉! 不過無燈燈玩! 其實都唔得閒望景, 而且又有圍欄遮住...
我多口答咀... Niseko2000 , 係新設計的客室, 你去時未有的.
回覆刪除[版主回覆02/28/2011 23:55:00]唔該晒喎! 我無留意添!
唔該哂jokelib, 睇番個web, 多咗2種房, 我去時只得露天風呂付客室.......
回覆刪除嘿, 札幌南的根室花 都好架, 唔好去札幌駅同我爭位啦 水之謌 . . .我暫時都未有機會 . . . 呀 風呂個室 . . . 呀 等我呀
回覆刪除[版主回覆03/01/2011 21:22:00]唔同你爭啦, 應該唔會咁快再去北海道lu, 不過你下次不如去時計台個間啦, Stella Place真在多人得.... , 風呂個室, 第日同另一半去囉!
間房好正, 要幾錢1晚? 你是直接跟酒店訂房嗎? 跟他表明2大2小入住or雙人入住. 因我經常遇到 - 如實報上4人入住(2大2小)選擇較小啊!
回覆刪除[版主回覆03/03/2011 20:40:00]原先我係在阿寒湖鶴雅網頁訂房, 在他們回覆時順道問埋水之謌, 但好耐都無回音而Jalan又出plan咪訂囉! 不過雪祭期間無得用分就有少少唔抵囉! 有小朋友起碼要住和洋室, 唔可以訂雙人房, 咁後來又發現和洋室同風呂附客室相差6xxx yen, 咁不如風呂附吧! 支芴湖近冰濤祭呢幾間酒店, 得水之謌受小朋友咋!
Zason+2T : 日頭睇冰雕 , 又另一番味道 , 掂喎 ~ 有冇另一間 "根室花" 既電話 ? 呢間 "水之謌" 好正呀 .
回覆刪除"豎琴" 邊度有得學呀 ?
Bye Bye !
[版主回覆03/09/2011 00:19:00]man wai: 睇唔到永遠都係好d的, 我就覺得冰雕晚上有埋燈光會靚d 根室花丸 我哋自駕的唔好同小肥爭去札幌JR駅個間喇 我兩隻魔怪最喜歡水之謌, 感覺好free喎! 大少就話下次想住露天風呂個間(佢唔知價架), 我"吓"咗一聲就無再答佢 你想學豎琴? 數碼港, 銅鑼灣都好似有, "冷門"o野o岩你????
Zason+2T : 估唔到 "根室花" 有咁多間分店 , 仲以為淨係得 JR 果間添 . (有機會都要去試)
回覆刪除"豎琴" 呢D咁冷門既野 , 我就冇興趣學 , 不過有興趣知邊度有得學 .
Bye Bye !
多謝. 大家自駕嘅去多d新地方, 搵多d好嘢食
回覆刪除