2011雪祭王國~北海道限定行 : 第五日 (上集) Alpha Resort Tomamu

2月9日(星期三)  ~  年初七 天晴

初七人日, 上天賜了美好的陽光給我們作禮物  各人都瞓飽, 連小朋友都係自己醒

但其他住客已出發去玩lu, 看見窗外穿梭巴士不停的接遊客離開, 我們都加快步伐先去食早餐啦....

這走廊是通往我們的住宿大樓....

就係呢個大袋, 係呢個旅程的好幫手, 最後一日摺番好時再俾大家睇....

大少先去warm up架車, 3樓左邊數第三間開咗窗簾的就係我哋間房呀....

又係去 hal....

已9點多, 人也不多了。 食物選擇同水準都幾好, 小姐們最愛冷烏冬同蜜糖包....

從食物枱再行入去又係另一食事區....

這食事區在窗前有一排bar枱, 大窗戶面向水之教會....

這是在 hal (Alpha Hotel)門口影的, 呢條就係通往Tower的Sky Walk啦....

要趕去玩, 快d返房執好行李check out啦, 補影front desk....

左邊VIZ Spa House興右邊的Villa Sport, 真係好近....

直望日間的Ice Village....

大家對日間的Ice Village無興趣, 於是直去活動中心。 先到櫃台報兒童滑雪班, 好彩英語教練11點有空, 即報名, 成為11000yen兩位一小時....

還有大半小時, 去Nipo Town 即 Kids Town玩吓先lu....

小姐們自己拉住個雪兜行上斜坡, 來來回回好多次又好開心....

好啦, 差唔多要準備上課, 乖乖地去還雪兜....

先去租用滑雪具, 好難穿呀....

由於搞咗好耐, 遲咗5分鐘先會合教練, 教練好好人無怪責  跟住教練行啦....

先做熱身運動, 不過係教練熱, 佢做完要除內膽羽絨....

下一步就係點將鞋扣上支雪橇度....

然後學跌, 阿妹成個冬瓜咁, 成日跌咗起唔返身, 好論盡....

好啦, 試吓單腳滑行, ok咗再上埋另一隻腳習慣吓就黎啦....

跟住教練用輸送帶上斜坡....

學咩先, 學停囉, 識行唔識停好大鑊架  妹妹成功  yeah.....

基本上教練教咗, 家姐仔就會照住做到, 她便獨自練習, 而教練就會放多些時間在妹妹身上, 依家教轉彎....

教練好均真, 遲了幾分鍾開始他便補回幾分鐘, 不過1小時好快過, 道謝後便是自己練習時間啦!  不斷練停呀, 兜過雪糕筒呀咁, 都好攰啊! 其實我都好攰, 佢哋上上落落時, 我就不停在旁跟住跑, 雪地呀, 真係唔好講笑....

睇吓, 家姐仔幾有姿勢, 佢見其他好勁的日本小朋友係咁佢又學人 ...

兩對小腿都好攰而且第一次玩都夠了。 確定小姐唔再玩便還雪具, (因最少要租5小時的, 如飯後再玩就要自己保管啦), 在Cow Bell午餐, 又係食到旁邊的人走晒....

今日在Tomamu最後一個目標就係Polar Village....

大小姐想玩雪上電單車, 大少緊係要護駕啦！準備出發....

妹妹怕快速的玩意, 都係玩雪就算lu...

領航的工作人員出發前問我駛唔駛俾部相機佢, 原來係想幫他們在中途影相, 但我唔知點解好快答唔駛, 佢哋走咗先後悔, 發咗瘟!　 返黎啦

家姐仔話有d驚, 因為大少開得好快喎, 但大少話有人帶頭會有幾快吖, 不過沿途就風景好靚喎!  再見啦, Polar Village....

再見啦, Alpha Resort Tomamu..... bye bye....

GPS話由呢度去札幌要4小時, 走時2點半, 我哋應該可以6點前去到札幌酒店的...Let's GO!