2月6日(星期日) ~ 年初四 天晴/ 雪
由仁之湯最唔好係個枕頭, 係入面好多豆豆的, 但太硬了, 我哋瞓唔慣 。 不過三位團友無枕頭都可以瞓到豬咁, 我就瞓吓醒吓好快天光。 呢張相我冒住寒溫出露台影架!
後來妹妹醒咗, 佢問我去邊, 我話去浸溫泉佢又要去喎, 以前佢唔會架! 不過今早露天溫泉係男湯, 我們只好浸室內同半露天的, 裡面已經有好幾位大嬸啦! 泉水都係茶色好滑的, 仲有按摩池同小童池, 都幾好呀!
浸到暖笠笠叫醒埋大少同大小姐就去食早餐囉! 有窗口位好野!
食物選擇唔太多, 但水準唔錯。 其實早餐都係習慣食o個幾種, 他們應有的都有, 橙味雪糕妹妹至愛添呀! 好香鮮橙味 
返房浸多次就要走啦! 呢兩天週末好多日本人在這渡假, 我們呢批陸續離開, 無幾耐又一班旅遊巴到, 由仁之湯自己的巴士, 應該係從札幌黎的。呢間旅館好親切, 平實, 令人有在家的感覺。有機會, 我們會再黎探你架...
轉個彎就係由仁花園, 冬天入場無料, 咁就入去睇吓咩料啦! 我先入去做探子, 如無野睇就即走...點知一入去大件事啦, 有野玩呀! 於是報告上級, 小朋友就立即行動...! 地方又大又少人, 幾爽呀...
日本小朋友玩香蕉船玩得好開心....
後來有香港團殺到, 佢哋個行程係在這裡玩雪上電單車, 導遊教完路之後所有電單車都被包起晒....
呢間係買好多花花紀念品的店, 我本來睇中把牛油刀想買的, 但記起今次目標就立即放低, 又正想同d美麗的貨品影相時, 好大聲的港團入晒黎, 我就即閃....
好啦, 跟住要去十勝咁遠, 走啦....小妹爭取每一秒去玩雪, 大少已把車駛到門外等起程啊! 呢架就係倍我哋8日的Ipsum, 仲係雪咁白....
又到午餐時間, 無計劃食咩, 有餓意時經過見到有咩餐廳就食咩, 好就呢度啦!
對着的風景就係咁啦....
食完又在後山玩一陣雪便繼續向帶廣進發, 先到六花亭食Tea 
Oh! 要等位啊, 但我們想早點到三余庵, 於是唔等改買外賣在車食...
好後悔無買呢d情人節限定品, 以為在機場都會有, 點知係無架....
無幾耐就到期待已久的三余庵, 我們車一到已有兩位大嬸出來叫我的姓, 好熱誠咁招呼我們...睇人家的相睇得多, 終於親臨這聞名已久的酒店, 有說不出的喜悅, 因為感受到的, 係實實確確有"heart"的相會啊! 
我們先被引領到Bar享受美點, 小朋友就配橙汁...
大人就香濃綠茶....
辦好手續, 妹妹再幫我揀咗粉藍色的浴衣, 我們便上房了....
一路都無估他們會安排那一間房給我們, 想有驚喜...電梯上了3樓, "落葉松" ~ 一間我未在其他人的blog看過的房啊!...
看看平面圖, 係大房黎架....
先係玄關位, 大過我家的房....
再開和式紙門就係客廳, 右手邊係和室和寢室, 行李後的門係另一道寢室的門。 晚上在玄關位執行李好寬敞又唔會整亂起居室...
左手邊係通往浴室, 風呂和洗手間的....
從窗戶那邊影返出玄關...
妹妹已經換好浴衣周圍跑...
開心到跳埋舞....
大少同家姐仔就急不及待去開水浸溫泉...
呢個檜木風呂好大架, 我哋4個人一齊都綽綽有餘....
另一邊係厠所, 都好大吓架....
玻璃做的匙扣...啡色的係曲奇餅, 好好味呀!
我們４點前已到，約了5點半晚餐, 有足夠時間先浸個靚溫泉 都係茶色的美人湯, 好滑好舒服....不過, 小姐們有評價, 佢哋問點解溫泉水係從水喉出, 而且地面係浴室的地磚, 無溫泉feel喎! 又係真嘅, 於是我哋就一齊諗心目中最完美的私人溫泉啦 ~ 要有美人湯的水質, 三余庵的房間設計同服務質素, 同宏樂園的露天風呂...就perfect喇!
Zason+2T : 從 "由仁之湯" 出發 , 去到酒店 "三余庵" 已經成日咁滯咯 .
回覆刪除我住 "十勝第一" , 都唔錯呀 , 我覺得好正添 .
Bye Bye !
[版主回覆02/18/2011 19:26:00]man wai: 唔駛成日, 我從由仁花園出發都成12點, 中途又用咗接1小時午餐加玩雪, 之後又在帶廣六花亭買cake, 4點前已到三余庵咯! 都無你咁堅由札幌去稚內
我都好喜歡十勝第一, 不過唔知幾時會再去囉
哈哈, d情人節限定品 . . . 我都無份 我地上咗樓上坐 "落葉松"真系好大間 . . . 不過, 今次我對第一都好滿意
回覆刪除[版主回覆02/18/2011 19:29:00]其實你係咪同一日去六花亭, 我下午3點幾至4點之間到, 你會唔會就係坐係上面呢?
我們本來都打算去第一參觀吓, 反正在連絡道, 不過最後太唔想出房門, 無去添 我睇咗你的相, 第一真係好得呀!
We didn't have trip this CNY but I am so happy to see your blog...Just like we are going also..... .add oil!!!
回覆刪除[版主回覆02/18/2011 19:30:00]So, when is your next trip?
想要露天風呂, 下次可以住春之海
回覆刪除[版主回覆02/18/2011 19:37:00]好似唔可以揀房喎 係咪你係熟客有得揀呀 我相信佢哋係唔會俾春之海我哋, 因為有樓梯同轉角位, 他們怕小朋友跌倒, 而落葉松一眼望到晒, 全平地咁滯好安全。 雖然我兩位小姐喜歡玩樓睇
間房好靚呀! 小姐們的浴衣吊腳既, 以為鶴雅先係咁啫.
回覆刪除六花亭買左細細盒好似糖果的朱古力, 入面係心型唔同口味, 幾好食.
[版主回覆02/18/2011 20:59:00]我已經愛上咗三余庵啦, 好想再去 不過今年唔會lu! 我都覺奇怪點解吊腳嘅? 不過兩套浴衣都係嬸嬸專登去攞, 仲要係度一度有幾高的先去攞 。 會唔會係怕太長她們會跘倒呢 嘻嘻...鍾意間酒店就咩都同佢諗藉口
緊係任何人都可以指定 book 邊間房啦, 不過要經佢 website book.
回覆刪除[版主回覆02/18/2011 23:56:00]我係直接用電郵問租房事宜, 無研究過訂房個版添! 太心急...
哈哈, 我系初三, 應該早你一日到 六花亭 , 因為要先食 元祖豚丼 所以大約點八坐到兩點 4左右啦 原來系plan喺 六花亭 食 pizza, 第二日先食 元祖豚丼 , 不過團友話幾日來食海鮮多, 要有番d飯氣到肚 . . . 系呀, 如果上 「 三余庵 」 個網, 可以先 揀房間, 再揀plan, 應該想住邊間都得
回覆刪除[版主回覆02/18/2011 23:54:00]係呀, 天寒地凍, 真係有飯到肚暖d啊! 好! 有機會下次試吓揀房先!
wow... 落葉松間房好大呀 ! 好鐘意你個女女個張跳舞相.... 好靚呀 ! 睇完你啲相, 我都好掛住三余庵呀... 吾知幾時又可以再去過呢 ?
回覆刪除[版主回覆02/21/2011 17:04:00]多謝! 我仲驚人家會覺得我無聊添放呢張相 雖然我哋唔會露面, 但都希望相片有點人氣同動感, 所以好多時要出賣她們的背影 有緣的話, 總有機會再去啊!
三余庵間房夠大喎, 仲有私人風呂, 怪不得你2個女咁歡喜呢! 呢間房要幾錢一晚?
回覆刪除[版主回覆03/03/2011 20:06:00]但最後兩位小姐最喜歡係水之謌喎! 因為只係我有"媽媽的溫暖"的感覺, 佢哋成日都有唔會覺 埋單 8xxxx yen, 我們晚餐有另要酒同果汁 。